.jpg)
യുഎഇയില് പലയിടങ്ങളിലും ഒറ്റപ്പെട്ട മഴയ്ക്ക് സാധ്യത
ഞായറാഴ്ച തീരപ്രദേശങ്ങളിലും വടക്കൻ മേഖലകളിലും ഉള്പ്പെടെ കൂടുതല് പ്രദേശങ്ങളില് മഴയ്ക്ക് സാധ്യതയുള്ളതിനാല് കാലാവസ്ഥ ഭാഗികമായി മേഘാവൃതമായതോ പൂർണമായി മേഘാവൃതമായതോ ആയി തുടരും
യുഎഇയില് അടുത്ത ദിവസങ്ങളിലെ കാലാവസ്ഥ പ്രവചിച്ച് ദേശീയ കാലാവസ്ഥ കേന്ദ്രം. ശനിയാഴ്ച ഭാഗികമായി മേഘാവൃതമായതോ, അല്ലെങ്കില് പൂർണ്ണമായും മേഘാവൃതമായതോ ആയ അന്തരീക്ഷമായിരിക്കും.തീരപ്രദേശങ്ങളിലും വടക്കൻ മേഖലകളിലും ഉള്പ്പെടെ പലയിടങ്ങളിലും മഴയ്ക്ക് സാധ്യതയുണ്ട്.
tRootC1469263">രാത്രിയിലും ഞായറാഴ്ച രാവിലെയോടെയും തീരദേശങ്ങളിലും ഉള്പ്രദേശങ്ങളിലും കൂടുതല് ഈർപ്പമുള്ള അവസ്ഥയായിരിക്കും. തെക്ക് കിഴക്ക് ദിശയില് നിന്ന് വടക്ക് പടിഞ്ഞാറ് ദിശയിലേക്ക് മാറിയേക്കാവുന്ന മിതമായ കാറ്റ് വീശും. മേഘാവൃതമാകുമ്ബോള് കാറ്റിന് ശക്തി കൂടാം. കാറ്റിൻ്റെ വേഗത മണിക്കൂറില് 40 കിലോമീറ്റർ വരെ എത്താൻ സാധ്യതയുണ്ട്. അറബിക്കടലും ഒമാൻ കടലും പ്രക്ഷുബ്ധമല്ല.
ഞായറാഴ്ച തീരപ്രദേശങ്ങളിലും വടക്കൻ മേഖലകളിലും ഉള്പ്പെടെ കൂടുതല് പ്രദേശങ്ങളില് മഴയ്ക്ക് സാധ്യതയുള്ളതിനാല് കാലാവസ്ഥ ഭാഗികമായി മേഘാവൃതമായതോ പൂർണമായി മേഘാവൃതമായതോ ആയി തുടരും. താപനില കുറയാൻ സാധ്യതയുണ്ട്. വടക്ക് പടിഞ്ഞാറ് ദിശയില് നിന്ന് തെക്ക് കിഴക്ക് ദിശയിലേക്ക് മാറിയേക്കാവുന്ന മിതമായ കാറ്റ് വീശും. ചില സമയങ്ങളില് കാറ്റ് ശക്തമാവുകയും പൊടി ഉയർത്താനുമുള്ള സാധ്യതയുണ്ട്. കാറ്റിൻ്റെ വേഗത മണിക്കൂറില് 10 മുതല് 25 കിലോമീറ്റർ വരെയും, പരമാവധി 45 കിലോമീറ്റർ വരെയും എത്താം.
തിങ്കളാഴ്ച ചില തീരദേശ, വടക്കൻ മേഖലകളില് വീണ്ടും മഴയ്ക്ക് സാധ്യതയോടെ ആകാശം ഭാഗികമായി മേഘാവൃതമായതോ മേഘാവൃതമായതോ ആയി തുടരും. കാറ്റ് തെക്ക് കിഴക്ക് ദിശയില് നിന്ന് വടക്ക് കിഴക്ക് ദിശയിലേക്ക് മാറും. കാറ്റിൻ്റെ പരമാവധി വേഗത മണിക്കൂറില് 40 കിലോമീറ്റർ വരെയാവാം. ചൊവ്വാഴ്ച ഭാഗികമായി മേഘാവൃതമായതോ മേഘാവൃതമായതോ ആയ കാലാവസ്ഥ തുടരും.
തീരദേശങ്ങളിലും വടക്കൻ ജില്ലകളിലും മഴയ്ക്ക് സാധ്യതയുണ്ട്. കാറ്റ് തെക്ക് കിഴക്ക്, തെക്ക് പടിഞ്ഞാറ്, വടക്ക് പടിഞ്ഞാറ് ദിശകളിലേക്ക് മാറും, ചില സമയങ്ങളില് കാറ്റിന് ശക്തി കൂടുകയും പൊടി ഉയർത്തുകയും ചെയ്യാം. കാറ്റിൻ്റെ വേഗത മണിക്കൂറില് 10 മുതല് 25 കിലോമീറ്റർ വരെയും പരമാവധി 40 കിലോമീറ്റർ വരെയും ആകാം.