.jpg)
ഹോര്മുസ് അടച്ചാല് മറ്റ് വഴി ; സൗദിയുടെ പദ്ധതി വിജയം കാണുന്നു
ഹോര്മുസ് വഴിയുള്ള ഗതാഗതം തടസ്സപ്പെട്ടതോടെ, റെഡ് സീ തീരത്തുള്ള യാന്ബു തുറമുഖം വഴി എണ്ണ കയറ്റുമതി വര്ധിപ്പിച്ചിരിക്കുകയാണ്.
ഇറാനുമായി ബന്ധപ്പെട്ട സംഘര്ഷം മൂലം ഹോര്മുസ് കടലിടുക്ക് വഴി നടക്കുന്ന എണ്ണ ഗതാഗതത്തില് വലിയ തടസ്സങ്ങള് നേരിട്ട സാഹചര്യത്തില്, പകരം മാര്ഗങ്ങള് ഉപയോഗിച്ച് കയറ്റുമതി തുടരാന് സൗദി അറേബ്യ നീക്കം നടത്തിയിട്ടുണ്ട്.
ഹോര്മുസ് വഴിയുള്ള ഗതാഗതം തടസ്സപ്പെട്ടതോടെ, റെഡ് സീ തീരത്തുള്ള യാന്ബു തുറമുഖം വഴി എണ്ണ കയറ്റുമതി വര്ധിപ്പിച്ചിരിക്കുകയാണ്. ആഭ്യന്തര പൈപ്പ്ലൈന് സംവിധാനങ്ങള് ഉപയോഗിച്ച് എണ്ണ ഗതാഗതം തിരിച്ചുവിട്ടത് ആഗോള വിപണിയിലെ വിതരണത്തെ സ്ഥിരതയോടെ നിലനിര്ത്താന് സഹായിച്ചു.
ഇത് സൗദിയുടെ ഊര്ജ അടിസ്ഥാന സൗകര്യങ്ങളുടെ ശക്തിയും പ്രതിസന്ധി നേരിടാനുള്ള ശേഷിയും തെളിയിക്കുന്നതാണെന്ന് വിദഗ്ധര് വിലയിരുത്തുന്നു.
യുദ്ധത്തിനിടെ സൗദി എണ്ണശുദ്ധീകരണശാലകളിലും മറ്റ് ഊര്ജ സൗകര്യങ്ങളിലും ആക്രമണങ്ങള് നടന്നുവെങ്കിലും, ഉല്പ്പാദനവും കയറ്റുമതിയും തുടരാന് സൗദി അധികൃതര് ശ്രമിച്ചു.
പരമ്പരാഗത എണ്ണ-വാതക മേഖലയോടൊപ്പം, സൗദി അറേബ്യ പുനരുപയോഗ ഊര്ജ മേഖലയിലും ശക്തമായ നിക്ഷേപം നടത്തുകയാണ്. 2060 ഓടെ നെറ്റ്-സീറോ ലക്ഷ്യം കൈവരിക്കാനുള്ള പദ്ധതിയുടെ ഭാഗമായി ഗ്രീന് ഹൈഡ്രജന് ഉള്പ്പെടെയുള്ള പദ്ധതികള് വേഗത്തിലാക്കുകയാണ്