.jpg)
സൗദി അറേബ്യയുടെ വിവിധ ഭാഗങ്ങളില് ഇടിയോടുകൂടിയ കനത്ത മഴയ്ക്കും മിന്നല് പ്രളയത്തിനും സാധ്യത
സൗദി അറേബ്യയുടെ വിവിധ ഭാഗങ്ങളില് ഇടിയോടുകൂടിയ കനത്ത മഴയ്ക്കും മിന്നല് പ്രളയത്തിനും സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം മുന്നറിയിപ്പ് നല്കി.വെള്ളപ്പൊക്ക സാധ്യതയുള്ള താഴ്ന്ന പ്രദേശങ്ങളിലേക്ക് പോകരുതെന്ന് അധികൃതർ പൊതുജനങ്ങള്ക്ക് നിർദ്ദേശം നല്കിയിട്ടുണ്ട്.
tRootC1469263">സൗദി അറേബ്യയിലെ പല പ്രവിശ്യകളിലും മിന്നല് പ്രളയത്തിലേക്ക് നയിച്ചേക്കാവുന്ന മിതമായതോ കനത്തതോ ആയ ഇടിമിന്നലോടു കൂടിയ മഴ, ആലിപ്പഴ വർഷം, പൊടിപടലങ്ങള് ഉയർത്തുന്ന ശക്തമായ കാറ്റ് എന്നിവ പ്രതീക്ഷിക്കുന്നതായി കാലാവസ്ഥാ കേന്ദ്രം അറിയിച്ചു.
മഴ സാധ്യതയുള്ള പ്രധാന പ്രവിശ്യകള്
റിയാദ്, ഖസീം, ഹൈല്, മദീന, മക്ക, അല്-ബാഹ, അസീർ, ജസാൻ, കിഴക്കൻ പ്രവിശ്യയുടെ ചില ഭാഗങ്ങള് എന്നിവിടങ്ങളില് മഴയ്ക്കുള്ള സാധ്യത പ്രവചിക്കുന്നുണ്ട്. വടക്കൻ അതിർത്തികള്, അല്-ജൗഫ്, തബൂക്ക് എന്നിവിടങ്ങളില് നേരിയതോ മിതമായതോ ആയ മഴക്ക് സാധ്യതയുണ്ട്. അടിയന്തര സാഹചര്യങ്ങള് കൈകാര്യം ചെയ്യുന്നതിനുള്ള ജനറല് ഡയറക്ടറേറ്റ് ഓഫ് സിവില് ഡിഫൻസ്, ഡിസംബർ 18 വരെ വെള്ളപ്പൊക്ക സാധ്യതയുള്ള താഴ്വരകളിലേക്കും സ്ഥലങ്ങളിലേക്കും പോകുന്നത് ഒഴിവാക്കണമെന്ന് പൊതുജനങ്ങളോട് അഭ്യർത്ഥിച്ചു.