.jpg)
വ്യക്തികളുടെ സ്വകാര്യവിവരങ്ങള്‍ കൈമാറുന്നതും പുറത്തുവിടുന്നതും ക്രിമിനല്‍ കുറ്റം: സൗദി
വ്യക്തികളുടെ സ്വകാര്യ വിവരങ്ങള്‍ കൈമാറുന്നതും പുറത്തുവിടുന്നതും ക്രിമിനല്‍ കുറ്റമാണെന്ന് സൗദി. വ്യക്തികളുടെ വിവരങ്ങള്‍ ദുരുപയോഗം ചെയ്യാന്‍ ശ്രമിക്കുന്നവര്‍ക്കെതിരെ ശക്തമായ നടപടി സ്വീകരിക്കുമെന്ന് അധികൃതര്‍ അറിയിച്ചു.
2021 ല്‍ മന്ത്രിസഭ അംഗീകരിച്ച നിയമമായിരുന്നു ഇത്. എന്നാല്‍ വ്യാഴാഴ്ച മുതല്‍ നിയമം പ്രാബല്യത്തില്‍ വന്നു. വിവിധ ആവശ്യങ്ങള്‍ക്കായി ശേഖരിക്കുന്ന വ്യക്തി വിവരങ്ങള്‍ സ്വകാര്യമായി തന്നെ സൂക്ഷിക്കണം. വ്യക്തിവിരങ്ങള്‍ സ്വകാര്യവിവരങ്ങളാണ് ഒരിക്കലും അത് പുറത്തുവിടരുത്.
വിവിധ പരിപാടികള്‍, സമ്മേളനങ്ങള്‍, പാര്‍ട്ടികള്‍ എന്നിവയുമായി ബന്ധപ്പെട്ട് വ്യക്തികളുടെ ചിത്രങ്ങള്‍, വീഡിയോ, എന്നിവയെല്ലാം പകര്‍ത്താറുണ്ട്. ഇവയെല്ലാം വ്യക്തികളെ ബാധിക്കുന്ന സ്വകാര്യവിവരങ്ങളാണ്. അതൊന്നും പുറത്തുവിടരുത്. ഇവ മറ്റുള്ളവര്‍ക്ക് കൈമാറുന്നതും പുറത്തുവിടുന്നതും ക്രിമിനല്‍ കുറ്റമായി കാണും. വ്യാപാര സ്ഥാപനങ്ങളിലും ആശുപത്രികളിലും വെച്ച് ശേഖരിക്കുന്ന വ്യക്തികളുടെ ഫോണ്‍ നമ്പറുകള്‍, ഫോട്ടോകള്‍, സിസിടിവി ദൃശ്യങ്ങള്‍ എന്നിവയെല്ലാം സൂക്ഷിക്കണം. ഈ വിവരങ്ങള്‍ എല്ലാം മറ്റുള്ളവര്‍ക്ക് കൈമാറരുത്.
