.jpg)
കുവൈത്തിലേക്ക് ഡ്രോണ് ആക്രമണം;ജാഗ്രത പാലിക്കണമെന്നാണ് ഭരണകൂടം
ബഹ്റൈനില് അപായ സൈറണ് മുഴങ്ങിയതായും റിപ്പോര്ട്ടുകളുണ്ട്.
ഇറാനിലേക്ക് അമേരിക്ക ആക്രമണം നടത്തിയതിന് പിന്നാലെ കുവൈത്തിലേക്ക് ഡ്രോണ്-മിസൈല് ആക്രമണമെന്ന് റിപ്പോര്ട്ട്. ജാഗ്രത പാലിക്കണമെന്നാണ് ഭരണകൂടം ജനങ്ങള്ക്ക് നല്കിയിരിക്കുന്ന മുന്നറിയിപ്പ്.ഹോര്മുസില് ഇന്നലെ ഇറാന് മൂന്നു കപ്പലുകള് ആക്രമിച്ചതിനുള്ള മറുപടിയായി തെക്കന് ഇറാനിലുള്പ്പെടെ അമേരിക്ക ശക്തമായ ആക്രമണം നടത്തിയതായി റിപ്പോര്ട്ടുകള് വന്നിരുന്നു.
ബഹ്റൈനില് അപായ സൈറണ് മുഴങ്ങിയതായും റിപ്പോര്ട്ടുകളുണ്ട്. അമേരിക്ക നടത്തിയ ആക്രമണത്തിന് തിരിച്ചടി നല്കുമെന്ന് ഇറാന് പ്രതികരിച്ച് മണിക്കൂറുകള്ക്കകമാണ് ഈ ആക്രമണങ്ങള് .രണ്ടാഴ്ചകള്ക്ക് ശേഷമാണ് ഗള്ഫ് മേഖലയില് വീണ്ടും ആക്രമണങ്ങളുണ്ടാകുന്നത്.
ഇതിനുള്ള തിരിച്ചടിയായാണ് ഇറാന് ഗള്ഫ് മേഖലകളിലേക്ക് വീണ്ടും ആക്രമണശ്രമങ്ങള് നടത്തുന്നതെന്നാണ് സൂചന. ഒന്നര മണിക്കൂറോളം നേരം ബഹ്റൈനിലും കുവൈത്തിലും അശാന്തി പരന്നുവെന്നാണ് പുറത്തുവരുന്ന വിവരം. ഇപ്പോള് സ്ഥിതിഗതികള് നിയന്ത്രണത്തിലായെന്നാണ് സൂചന.
