.jpg)
1260 റിയാലിന് വര്ഷം മുഴുവന് റിയാദ് മെട്രോയില് സഞ്ചരിക്കാം, സീസണ് ടിക്കറ്റ് നിരക്കുകള് പ്രഖ്യാപിച്ചു
സ്റ്റാന്ഡേര്ഡ് ക്ലാസിലുള്ള സീസണ് ടിക്കറ്റിന് 1260 റിയാലും ഫസ്റ്റ് ക്ലാസ് ടിക്കറ്റിന് 3150 റിയാലുമാണ്
നിശ്ചിത നിരക്കില് ഇളവ് ആനുകൂല്യങ്ങളോടെ വര്ഷം മുഴുവന് റിയാദ് മെട്രോയില് സഞ്ചരിക്കന് അനുവദിക്കുന്ന സീസണ് ടിക്കറ്റുകളുടെ നിരക്കുകള് പ്രഖ്യാപിച്ചു. വാര്ഷികാടിസ്ഥാനത്തില് എല്ലാ വിഭാഗം യാത്രക്കാര്ക്കുമുള്ള സീസണ് ടിക്കറ്റ്, വിദ്യാര്ത്ഥികള്ക്കുള്ള സെമസ്റ്റര് ടിക്കറ്റ് എന്നിവയുടെ നിരക്കുകളാണ് വെളിപ്പെടുത്തിയത്.
tRootC1469263">
സ്റ്റാന്ഡേര്ഡ് ക്ലാസിലുള്ള സീസണ് ടിക്കറ്റിന് 1260 റിയാലും ഫസ്റ്റ് ക്ലാസ് ടിക്കറ്റിന് 3150 റിയാലുമാണ്. 2026 ജനുവരി ഒന്ന് മുതല് ഈ നിരക്കുകള് പ്രാബല്യത്തില് വരും. ഈ സീസണ് ടിക്കറ്റുകള് എടുത്താല് വര്ഷം മുഴുവന് എത്ര തവണയും മെട്രോയില് സഞ്ചരിക്കാം. നിലവിലെ നിരക്ക് വെച്ച് നോക്കുേമ്പാള് ഇത് വളരെ ലാഭകരമാണ്. സീസണ് ടിക്കറ്റുകള് ഡിജിറ്റല് രൂപത്തിലും പ്ലാസ്റ്റിക് കാര്ഡുകളായും ലഭിക്കുമെന്നും റിയാദ് പൊതുഗതാഗത അതോറിറ്റി അറിയിച്ചു. ടിക്കറ്റുകള് നഷ്ടപ്പെട്ടാല് വീണ്ടെടുക്കാനും സുരക്ഷിതമായി സൂക്ഷിക്കാനും രജിസ്റ്റര് ചെയ്ത അക്കൗണ്ട് വഴിയാണ് ടിക്കറ്റുകള് വാങ്ങേണ്ടത്.
സ്കൂള്-യൂനിവേഴ്സിറ്റി വിദ്യാര്ഥികള്ക്കായി പ്രത്യേക സെമസ്റ്റര് ടിക്കറ്റുകളും പ്രഖ്യാപിച്ചിട്ടുണ്ട്. സാധാരണ ക്ലാസില് മാത്രമാണ് ഈ ടിക്കറ്റ് ലഭിക്കുക. 260 റിയാല് ആണ് ഇതിന്റെ നിരക്ക്. ആക്ടിവേറ്റ് ചെയ്ത തീയതി മുതല് നാല് മാസത്തേക്ക് (ഒരു മുഴുവന് സെമസ്റ്റര്) ഇതിന് കാലാവധിയുണ്ടാകും.