.jpg)
കോൺഗ്രസിന്റെ അച്ചടക്കം പാലിക്കാൻ ശശി തരൂർ എംപിക്ക് കഴിയുന്നില്ല ; രാജ്മോഹൻ ഉണ്ണിത്താൻ
തിരുവനന്തപുരം : കോൺഗ്രസിന്റെ അച്ചടക്കം പാലിക്കാൻ ശശി തരൂർ എംപിക്ക് കഴിയുന്നില്ലെന്ന് രാജ്മോഹൻ ഉണ്ണിത്താൻ എംപി. ഒരു മനുഷ്യന് ഒരു പാർട്ടിയെ കൊണ്ട് ഉണ്ടാക്കാവുന്ന നേട്ടമെല്ലാം തരൂർ കോൺഗ്രസിനെ ഉപയോഗിച്ച് ഉണ്ടാക്കി. ശശി തരൂരിന് ചോറ് കോൺഗ്രസിലും കൂറ് ബിജെപിയിലുമെന്നും രാജ്മോഹൻ ഉണ്ണിത്താൻ പറഞ്ഞു. കോൺഗ്രസിൽ നിന്ന് നേട്ടമുണ്ടാക്കി ബിജെപിക്കു വേണ്ടി പണിയെടുക്കുകയാണ് ശശി തരൂർ ചെയ്യുന്നതെന്നും അദ്ദേഹം കുറ്റപ്പെടുത്തി.
tRootC1469263">ഒരു മനുഷ്യന് ഒരു പാർട്ടിയെ കൊണ്ട് നേടാവുന്നത് മൊത്തം നേടിയെടുത്ത ഒരു വ്യക്തിയാണ് ശശി തരൂർ. പക്ഷേ അദ്ദേഹം കഴിഞ്ഞ കുറേ നാളുകളായി ചോറ് ഇവിടെയും കൂറ് അവിടെയുമായിട്ടാണ് പ്രവർത്തിക്കുന്നത്. ഇന്ന് നടത്തിക്കൊണ്ടിരിക്കുന്നത് ഗുരുതരമായ സംഘടനാ വിരുദ്ധ പ്രവർത്തനമാണ്. ഒരു രക്തസാക്ഷി പരിവേഷം നേടിയെടുത്ത് കോൺഗ്രസിൽ നിന്ന് പുറത്താക്കി, ഒരു വീര പുരുഷനായി ബിജെപിയിലേക്ക് പോകാമെന്ന് അദ്ദേഹത്തിന്റെ മനസിൽ ഒരു കണക്ക് കൂട്ടലുണ്ട്. അത് നടക്കാൻ പോകുന്നില്ല. അങ്ങനെയൊരു വീര പുരുഷനാക്കാൻ ഞങ്ങളും ഉദ്ദേശിക്കുന്നില്ല. പാർട്ടിയിൽ നിന്ന് പുറത്താക്കി ഒരു വീര പരിവേഷം ചാർത്തി ബിജെപിയിൽ പോകാമെന്ന് സ്വപ്നത്തിൽ പോലും വിചാരിക്കേണ്ടെന്നും രാജ്മോഹൻ ഉണ്ണിത്താൻ പറഞ്ഞു.
