കോഴിക്കോട് ബൈക്കിൽ പിക്കപ്പ് വാൻ ഇടിച്ച് യുവാവ് മരിച്ചു

കോഴിക്കോട്: കുന്ദമംഗലം പത്താം മൈലിൽ ബൈക്കിൽ പിക്കപ്പ് വാൻ ഇടിച്ച് യുവാവ് മരിച്ചു.ഇന്നലെ പുലർച്ചെ രണ്ട്മണിയോടെയായിരുന്നു അപകടം. പയിമ്പ്ര റോഡിൽ നിന്ന് നെച്ചിപ്പൊയിൽ റോഡിലേക്ക് കയറുന്ന പന്തീർപാടം ജംഗ്ഷനിലാണ് അപകടമുണ്ടായത്. പത്താം മൈലിന് സമീപം പൊയിൽതാഴം ഭഗവതി ക്ഷേത്രത്തിൽ ഉത്സവം കഴിഞ്ഞു വരുകയായിരുന്നു അജയും സഹോദരനും. ഇവർ സഞ്ചരിച്ച ബൈക്കിൽ പിക്കപ്പ് വാൻ ഇടിക്കുകയായിരുന്നു എന്നാണ് ലഭിക്കുന്ന വിവരം.

 മാവൂർ മുല്ലപ്പള്ളി മീത്തൽ പുളിയങ്ങൽ അജയ് (23) ആണ് മരിച്ചത്. കൂടെയുണ്ടായിരുന്ന സഹോദരനെ സാരമായ പരിക്കുകളോടെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
അജയ് സംഭവ സ്ഥലത്ത് വെച്ച് തന്നെ മരിച്ചു. മൃതദേഹം കോഴിക്കോട് മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.