.jpg)
തിരുവനന്തപുരത്ത് വിദ്യാർഥിനി തീകൊളുത്തി മരിച്ചു
Jul 1, 2025, 19:38 IST
തിരുവനന്തപുരം: തിരുവനന്തപുരത്ത് വിദ്യാർഥിനി വീടിനുള്ളിൽ മണ്ണെണ്ണയൊഴിച്ച് തീകൊളുത്തി മരിച്ചു. നടുക്കാട് ഒലിപ്പുനട ഓംകാറിൽ സുരേഷ്-ദിവ്യ ദമ്പതിമാരുടെ മകളായ മഹിമയാണ് മരിച്ചത്. കൈമനം വനിതാ പോളിടെക്നിക്കിലെ രണ്ടാംവർഷ വിദ്യാർഥിനിയായിരുന്നു മരിച്ച മഹിമ സുരേഷ്. കോളേജിലെ മാഗസിൻ എഡിറ്ററുമാണ് മഹിമ.
tRootC1469263">തിങ്കളാഴ്ച ഉച്ചയ്ക്ക് രണ്ടരയോടെയാണ് സംഭവം ഉണ്ടായത്. മഹിമ മാത്രമാണ് വീട്ടിലുണ്ടായിരുന്നത്. വീട്ടിൽ നിന്ന് നിലവിളിയും, പുകയും ഉയരുന്നതുകണ്ട നാട്ടുകാർ വീട്ടിലേക്ക് ഓടിച്ചെന്നെങ്കിലും മുൻവശത്തെയും, പുറകുവശത്തെയും വാതിലുകൾ പൂട്ടിയനിലയിലായിരുന്നു. തുടർന്ന് നാട്ടുകാർ പുറകുവശത്തെ വാതിൽ തല്ലിപ്പൊളിച്ച് അകത്തുകയറുകയായിരുന്നു. ഉടൻ തന്നെ മഹിമയെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. സംഭവത്തിൽ നരുവാമൂട് പോലീസ് കേസെടുത്തു.
