പോളണ്ടിൽ മലയാളിയെ ദൂരൂഹ സാഹചര്യത്തിൽ മരിച്ച നിലയിൽ കണ്ടെത്തി

പോളണ്ടിൽ മലയാളിയെ ദൂരൂഹ സാഹചര്യത്തിൽ മരിച്ച നിലയിൽ കണ്ടെത്തി. വൈക്കം സ്വദേശിയായ യുവാവിനെയാണ്  മരിച്ച നിലയിൽ കണ്ടെത്തിയത്. പോളണ്ടിലെ റാച്ചി ബോഷിയിലെ നദിയിലാണ് യുവാവിൻറെ മൃതദേഹം കണ്ടെത്തിയത്. കഴിഞ്ഞ ഡിസംബർ 24 മുതൽ യുവാവിനെക്കുറിച്ച് വിവരങ്ങളൊന്നും ഉണ്ടായിരുന്നില്ല.

തുടർന്ന് പോളണ്ടിൽ എത്തിയ യുവാവിൻറെ ബന്ധു പൊലീസിൽ പരാതി നൽകി. പിന്നീട് നടന്ന അന്വേഷണത്തിലാണ് മൃതദേഹം കണ്ടെത്തിയത്. യുവാവിൻറെ ബന്ധുക്കൾ പോളണ്ടിലെത്തിയിട്ടുണ്ട്. എംബസിയുമായി ചേർന്ന് തുടർ നടപടികൾ പൂർത്തിയാക്കുകയാണ്. യുവാവിൻറെ പേരുവിവരങ്ങൾ അടക്കം എംബസി അധികൃതർ പുറത്തുവിട്ടിട്ടില്ല.