.jpg)
കോഴിക്കോട് ഉറങ്ങിക്കിടക്കുന്നതിനിടെ കാണാതായ പതിനേഴുകാരന്റെ മൃതദേഹം പുഴയിൽ കണ്ടെത്തി
Aug 1, 2025, 20:00 IST
കോഴിക്കോട്: ഉറങ്ങിക്കിടക്കുന്നതിനിടെ കാണാതായ വടകരയിലെ പതിനേഴുകാരന്റെ മൃതദേഹം പുഴയിൽ കണ്ടെത്തി. തിരുവള്ളൂർ ചാനിയം കടവ് സ്വദേശി ചെറുവോട്ട് മീത്തൽ ആദിഷ് കൃഷ്ണയുടെ മൃതദേഹമാണ് ചാനിയം കടവ് പുഴയിൽ നിന്ന് ലഭിച്ചത്. ഇൻക്വസ്റ്റ് നടപടികൾ പൂർത്തിയാക്കിയതിനെ തുടർന്ന് കോഴിക്കോട് മെഡിക്കൽ കോളേജ് ആശുപത്രിയിലേക്ക് പോസ്റ്റ്മോർട്ടത്തിനായി മൃതദേഹം മാറ്റി.
tRootC1469263">മേമുണ്ട ഹയർസെക്കന്ററി സ്കൂളിലെ പ്ലസ് ടു വിദ്യാർത്ഥിയായ ആദിഷിനെ 28ാം തിയ്യതി രാത്രി മുതലാണ് കാണാതായത്. ഇതുസംബന്ധിച്ച് രക്ഷിതാക്കൾ വടകര പോലീസിൽ പരാതി നൽകിയതിനെ തുടർന്ന് അന്വേഷണം നടക്കുന്നതിനിടയിലാണ് മൃതദേഹം ലഭിച്ചത്. രാത്രി എല്ലാവരും ഉറങ്ങിയതിന് ശേഷം ആദിഷ് വീട്ടിൽ നിന്നും പോയതാണെന്നാണ് ബന്ധുക്കൾ പറയുന്നത്. ആദിഷിന്റെ മൊബൈൽ ഫോൺ സ്വിച്ച്ഡ് ഓഫ് ചെയ്ത നിലയിലായിരുന്നു.
