.jpg)
കേളകം സ്വദേശിനിയായ യുവതി ഭർതൃവീട്ടിൽ ജീവനൊടുക്കിയ സംഭവം: അസ്വാഭാവിക മരണത്തിന് കേസെടുത്തു
കേളകം: ബാലുശ്ശേരി പൂനൂരില് കേളകം സ്വദേശിനിയായ യുവതിയെ ഭര്തൃവീട്ടില് തൂങ്ങി മരിച്ച നിലയില് കണ്ടെത്തിയ സംഭവത്തിൽ ബാലുശേരി പൊലിസ് അസ്വാഭാവിക മരണത്തിന് കേസെടുത്ത് അന്വേഷണമാരംഭിച്ചു.
പൂനൂര് കരിങ്കാളിമ്മല് ശ്രീജിത്തിന്റെ ഭാര്യ ജിസ്ന (24) യെയാണ് മരിച്ച നിലയില് കണ്ടെത്തിയത്. കേളകം സ്വദേശിനിയായ യുവതിയുടെ മരണകാരണത്തെ കുറിച്ചു പൊലിസ് അസ്വാഭാവിക മരണത്തിന് കേസെടുത്ത് അന്വേഷണമാരംഭിച്ചിട്ടുണ്ട്. ഇന്ക്വസ്റ്റ് നടപടികള്ക്ക് ശേഷം മൃതദേഹം പോസ്റ്റ്മോര്ട്ടത്തിനായി കോഴിക്കോട് മെഡിക്കല് കോളേജിലേക്ക് മാറ്റി
. ഇന്നലെ സംഭവം നടക്കുമ്പോള് വീട്ടില് രണ്ടുവയസുള്ള മകനല്ലാതെ ആരും ഉണ്ടായിരുന്നില്ല. ഭര്തൃപിതാവ് ജോലി കഴിഞ്ഞ് തിരിച്ചെത്തിയപ്പോഴാണ് ജിസ്നയെ വീട്ടിനുള്ളില് തൂങ്ങിമരിച്ച നിലയില് കണ്ടെത്തിയത്. ഓട്ടോ ഡ്രൈവറാണ് ജിസ്നയുടെ ഭര്ത്താവ്. സംഭവത്തില് ബാലുശ്ശേരി പൊലീസാണ് കേസെടുത്ത് അന്വേഷണം ഊർജ്ജിതമാക്കിയത്.
