.jpg)
ആലപ്പുഴയിൽ പേവിഷബാധ സ്ഥിരീകരിച്ച വയോധികൻ മരിച്ചു
ആലപ്പുഴ: ആലപ്പുഴ തിരുവൻവണ്ടൂർ പഞ്ചായത്ത് അഞ്ചാം വാർഡിൽ പേവിഷബാധ സ്ഥിരീകരിച്ചതിനെ തുടർന്ന് ചികിത്സയിലായിരുന്ന വയോധികൻ മരിച്ചു. അഞ്ചാം വാർഡ് ശങ്കരമംഗലം വീട്ടിൽ ഗോപിനാഥൻ നായർ (65) ആണ് മരിച്ചത്. തിരുവല്ലയിലെ സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു മരണം.
tRootC1469263">തിരുവല്ല ശ്രീവല്ലഭ ക്ഷേത്രത്തിന് സമീപം കപ്പലണ്ടി കച്ചവടം നടത്തിയിരുന്ന ഗോപിനാഥൻ നായരെ രണ്ടാഴ്ച്ച മുൻപാണ് തെരുവുനായ ആക്രമിച്ചത്. വൈകീട്ട് തിരുവൻവണ്ടൂരിൽ നിന്ന് തിരുവല്ലയിലേക്ക് കച്ചവടത്തിനായി പോകുന്ന ഗോപിനാഥൻ രാത്രി 9.30 ഓടെയാണ് വീട്ടിൽ തിരിച്ചെത്താറുള്ളത്.
തിരുവൻവണ്ടൂർ മിൽമ സൊസൈറ്റിപ്പടിക്ക് സമീപത്തുവച്ച് സൈക്കിളിൽ വീട്ടിലേക്കുവരികയായിരുന്ന ഗോപിനാഥന്റെ പിറകേ നായ ഓടി. ഭയന്ന ഗോപിനാഥൻ റോഡിൽ വീഴുകയും നായ ആക്രമിക്കുകയും ചെയ്തു. ആക്രമണത്തിൽ നായയുടെ നഖം കാലിൽ കൊണ്ട് മുറിവേറ്റിരുന്നു. എന്നാൽ ഇത് ഗോപിനാഥൻ കാര്യമാക്കിയില്ല. പിന്നീട് പനിയുടെ ലക്ഷണങ്ങൾ കണ്ടുതുടങ്ങിയ ശേഷമാണ് ചികിത്സ തേടിയത്.
