ആലപ്പുഴയിൽ സത്യപ്രതിജ്ഞ ചടങ്ങിൽ മുദ്രാവാക്യം വിളിക്കുന്നതിനിടെ എൽ.ഡി.എഫ് പ്രവർത്തകൻ കുഴഞ്ഞു വീണു മരിച്ചു

 ആലപ്പുഴ : കണ്ടല്ലൂർ ഗ്രാമ പഞ്ചായത്തിൽ തെരഞ്ഞെടുത്ത അംഗങ്ങളുടെ സത്യപ്രതിജ്ഞ ചടങ്ങിനിടെ മുദ്രാവാക്യം മുഴക്കിയഎൽ.ഡി.എഫ് പ്രവർത്തകൻ കുഴഞ്ഞു വീണു മരിച്ചു. റിട്ട.പഞ്ചായത്ത് സെക്രട്ടറി കണ്ടല്ലൂർ പഞ്ചായത്ത് ആറാം വാർഡ് കൈതക്കാട്ടുശേരിൽ കിഴക്കതിൽ മനോഹരൻ പിള്ള (58) ആണ് മരിച്ചത്. ഇന്നലെ രാവിലെ കണ്ടല്ലൂർ ഗ്രാമ പഞ്ചായത്ത് സത്യപ്രതിജ്ഞ വേദിക്ക് സമീപം ചടങ്ങിൽ പങ്കെടുത്ത് ആവേശത്തോടെ മുദ്രാവാക്യം വിളിക്കുന്നതിനിടെ കുഴഞ്ഞു വീഴുകയായിരുന്നു.