ഡോ. മൂപ്പൻസ് മെഡിക്കൽ കോളേജിൽ നിന്ന്(ഡി എം വിംസ്) കോഴിക്കോടേക്ക് ബസ് അനുവദിച്ച് കെ എസ് ആർ ടി സി

Whatsapp Group

ഈ ബസ് സർവ്വീസ് ഉച്ചയ്ക്ക് 01:40-ന് കൽപ്പറ്റയിൽ നിന്നും പുറപ്പെട്ട് 02:20-ന് മെഡിക്കൽ കോളേജിൽ എത്തിച്ചേരും. തുടർന്ന് 03:10-ന് അവിടെ നിന്നും തിരിച്ച് വൈകുന്നേരം 06:05-ന് കോഴിക്കോട് എത്തും. മടക്കയാത്ര വൈകുന്നേരം 06:50-ന് കോഴിക്കോട് നിന്നും പുറപ്പെട്ട് രാത്രി 09:10-ന് കൽപ്പറ്റയിലും തുടർന്ന് 09:50-ഓടെ മെഡിക്കൽ കോളേജിൽ സർവ്വീസ് അവസാനിപ്പിക്കും.
അടുത്ത ദിവസം രാവിലെ 05:30-ന് മെഡിക്കൽ കോളേജിൽ നിന്നും പുറപ്പെടുന്ന ബസ് കല്പറ്റ വഴി 08:15-ന് കോഴിക്കോട് എത്തുന്ന രീതിയിലാണ് ക്രമീകരിച്ചിരിക്കുന്നത്. ശേഷം 08:35-ന് അവിടെ നിന്നും തിരിച്ച് രാവിലെ 10:50-ഓടെ കൽപ്പറ്റയിൽ സർവീസ് പൂർത്തിയാക്കും. കോഴിക്കോട് ഭാഗങ്ങളിൽ നിന്നും മെഡിക്കൽ കോളേജിലേക്ക് എത്തുന്ന രോഗികൾക്കും ജീവനക്കാർക്കും, വിദ്യാർത്ഥികൾക്കും ഏറെ പ്രയാസമുണ്ടാക്കിയിരുന്ന യാത്രാപ്രശ്നങ്ങൾക്ക് ഇതോടെ പരിഹാരമാകും.