വയനാട് റിപ്പൺ-ആനടിക്കാപ്പ്-കാന്തൻപാറ റോഡ് നവീകരണത്തിന് സർക്കാർ ഭരണാനുമതി

വയനാട് : ജില്ലയിലെ റിപ്പൺ-ആനടിക്കാപ്പ്-കാന്തൻപാറ റോഡ് നവീകരണ പദ്ധതിക്ക് വേണ്ടി സർക്കാർ ഒരു കോടി രൂപയുടെ ഭരണാനുമതി നൽകി. വിനോദസഞ്ചാര വകുപ്പാണ് പദ്ധതി നടപ്പാക്കുന്നത്.ടൂറിസം മന്ത്രിയുടെ പ്രത്യേക നിർദ്ദേശത്തിന്റെ അടിസ്ഥാനത്തിലാണ് പ്രാരംഭ ഘട്ടത്തിൽ 20 ലക്ഷം രൂപ വകയിരുത്തിയിരുന്ന പദ്ധതിക്കുള്ള തുക വർദ്ധിപ്പിച്ചത്. പഞ്ചായത്തിന് കീഴലുള്ള റോഡായിരുന്നെങ്കിലും കാന്തൻപാറ വെള്ളച്ചാട്ടത്തിന്റെ ടൂറിസം സാധ്യതകൾ മുന്നിൽ കണ്ടു കൊണ്ടാണ് ആദ്യ റീച്ച് ടൂറിസം വകുപ്പ് മുൻകയ്യെടുത്ത് നന്നാക്കിയത്.