കേബിൾ ടി.വി.ശൃംഖലയെ തകർക്കുന്ന കെ.എസ്.ഇ.ബി.നിലപാട് പിൻവലിക്കണമെന്ന് സി.ഒ.എ. വയനാട് ജില്ലാ സമ്മേളനം

google news
sadg

കൽപ്പറ്റ: കേബിൾ  ടി.വി.ഓപ്പറേറ്റർമാരുടെ അവകാശങ്ങൾ നേടിയെടുക്കാനുള്ള പോരാട്ടങ്ങൾ ശക്തമാക്കാൻ കേബിൾ ടിവി ഓപ്പറേറ്റേഴ്സ് അസോസിയേഷൻ വയനാട് ജില്ലാ സമ്മേളനത്തിൽ തീരുമാനമായി.  ബ്രോഡ്ബാൻഡ് ഡിജിറ്റൽ കണക്ഷൻ വിതരണത്തിൽ  ലക്ഷ്യം കൈവരിക്കാനുള്ള ശ്രമങ്ങൾ വേഗത്തിലാക്കാനും കൽപ്പറ്റയിൽ നടന്ന പതിനാലാമത് ജില്ലാ സമ്മേളനത്തിൽ തീരുമാനമായി.. രാജ്യത്തെ ബ്രോഡ്ബാന്റ് ഡിജിറ്റല്‍ കണക്ഷന്‍  വിതരണരംഗത്ത് കേരളാവിഷന്‍ 8ാം സ്ഥാനം നേടിയതിന്റെ ആഹ്ലാദപശ്ചാത്തലത്തിലാണ്   പതിനാലാം വയനാട് ജില്ലാ സമ്മേളനം കൽപ്പറ്റ ഓഷിൻ ഓഡിറ്റോറിയത്തിൽ ചേർന്നത്.

 വയനാട് ജില്ലാ സമ്മേളനം സി.ഒ.എ.സംസ്ഥാന പ്രസിഡണ്ട് അബൂബക്കർ സിദ്ദീഖ്  ഉദ്ഘാടനം ചെയ്തു. കേബിൾ ഓപ്പറേറ്റേഴ്സ് അസോസിയേഷൻ ജില്ലാ പ്രസിഡണ്ട്  പി.എം.ഏലിയാസിൻ്റെ അധ്യക്ഷതയിലാണ് സമ്മേളനം നടന്നത്. സംസ്ഥാന വൈസ് പ്രസിഡണ്ട്  എം. മൻസൂർ സംഘടനാ റിപ്പോർട്ട് അവതരിപ്പിച്ചു.   കേരള വിഷൻ ചെയർമാൻ കെ.ഗോവിന്ദൻ മുഖ്യപ്രഭാഷണം നടത്തി.  ബിനീഷ് മാത്യു അനുശോചന പ്രമേയവും  ജില്ലാ സെക്രട്ടറി പി. അഷ്റഫ് ജില്ലാ സമ്മേളന റിപ്പോർട്ടും  ബിജു ജോസ് സാമ്പത്തിക റിപ്പോർട്ടും കെ.എൻ.വിജിത്ത് ഇൻ്റേണൽ ഓഡിറ്റിംഗ് റിപ്പോർട്ടും അവതരിപ്പിച്ചു.  സമ്മേളനത്തില്‍ പുതിയ ഭാരവാഹികളെ തിരഞ്ഞെടുത്തു.  ജില്ലാ പ്രസിഡണ്ടായി ബിജു ജോസിനെയും  സെക്രട്ടറിയായി അഷ്‌റഫ് പൂക്കയിലെനെയും  ട്രഷറര്‍ ആയി സി.എച്ച്. അബ്ദുള്ളയെയും  വൈസ്  പ്രസിഡണ്ട് ആയി.

എലിയാസ് പി.എം. ജോ: സെക്രട്ടറിയായി ഷബീര്‍ അലിയേയും തിരഞ്ഞെടുത്തു.ചെറുകിട കേബിൾ ടി.വി. ശൃംഖലയെ തകർക്കുന്ന കെ.എസ്.ഇ.ബി  നടപടി പിൻവലിക്കുക,കേബിൾ ഓപ്പറേറ്റർമാർക്ക് ചെറുകിട സംരംഭങ്ങൾക്ക് നൽകുന്ന ആനുകൂല്യങ്ങൾ ലഭ്യമാക്കുക,. ജില്ലയിൽ അനുദിനം വർദ്ധിച്ചുകൊണ്ടിരിക്കുന്ന വന്യമൃഗ ശല്യത്തിന് ശാശ്വത പരിഹാരംകാണാനുള്ള നടപടി ഉണ്ടാക്കുക, വനമില്ലാത്ത പ്രദേശങ്ങളിൽ പോലും ആനയും മറ്റ് വന്യ മൃഗങ്ങളും വർഷങ്ങളായി എത്തുന്നത്  ഗൗരവത്തോടെ കാണണമെന്ന് സമ്മേളനം പ്രമേയത്തിലൂടെ ആവശ്യപ്പെട്ടു. കോഴിക്കോട് - മൈസൂർ  ദേശീയപാതയിൽ നിലനിൽക്കുന്ന രാത്രി യാത്രാ  നിയന്ത്രണം പിൻവലിക്കുക, ജില്ലയിലേക്ക്  അനുഭവിക്കുന്ന ഗതാഗത കുരുക്കിന് ശാശ്വത പരിഹാരം കാണുവാൻ വേണ്ടിയുള്ള ബദൽ പാതകൾ ആരംഭിക്കുക, മേപ്പാടി - കള്ളാടി  തുരങ്ക പാതയുടെ പ്രവർത്തി ഉടൻ തുടങ്ങുക..പടിഞ്ഞാറത്തറ പൂഴിത്തോട് ബദൽ അനുവദിക്കുക. നഞ്ചങ്കോട് നിലമ്പൂർ, മൈസൂർ തലശ്ശേരി റെയിൽവേ റൂട്ട് അനുവദിക്കുക,തുടങ്ങിയ ആവശ്യങ്ങൾ പതിനാലാമത് ജില്ലാ സമ്മേളനം ഉന്നയിച്ചു.


 

Tags