വലപ്പാട് വില്ലേജ്ഓഫീസ് നിർമിക്കാൻ 45 ലക്ഷം രൂപ അനുവദിച്ചു: മന്ത്രി കെ രാജൻ

തൃശ്ശൂർ : ഹൈദ്രമാൻ കുട്ടി ട്രസ്റ്റ് വൈസ് ചെയർമാനും, അൽ സക്കാക്കിർ ആദം ട്രേഡിങ് കമ്പനിയുടെ ചെയർമാനുമായ ആദം അലി മാതാപിതാക്കളായ അലി, നഫീസ എന്നിവരുടെ സ്മരണാർത്ഥം വലപ്പാട് വില്ലേജ് ഓഫീസിനും, ഭൂരഹിതരായ മൂന്ന് കുടുംബങ്ങൾക്കും 5 സെൻ്റ് വീതം സൗജന്യമായി നൽകി.

ഇതുമായി ബന്ധപ്പെട്ട് കരയാമുട്ടം നൂറുൽ ഹുദായ മദ്രസ ഹാളിൽ നടന്ന പരിപാടി ഉദ്ഘാടനം ചെയ്യവേ യാണ് തുക അനുവദിച്ച വിവരം റവന്യൂ വകുപ്പ് മന്ത്രി അറിയിച്ചത്. സി.സി മുകുന്ദൻ എംഎൽഎ അധ്യക്ഷനായി. ട്രസ്റ്റ് കൺവീനർ പി. എം അബ്ദുൾ ഗഫൂർ, ആമുഖ പ്രസംഗം നടത്തി.
 ട്രസ്റ്റ് ചെയർമാൻ പി ഐ ഹസ്സൻ ഹാജി ഭൂമി കൈമാറ്റം മന്ത്രിക്ക് നൽകിക്കൊണ്ട് നിർവഹിച്ചു. തളിക്കുളം ബ്ലോക്ക് പഞ്ചായത്ത് പ്രസിഡണ്ട് രഞ്ജില ഗിരി, വലപ്പാട് ഗ്രാമപഞ്ചായത്ത് പ്രസിഡണ്ട് പി കെ മോഹനൻ മാസ്റ്റർ, നാട്ടിക ഗ്രാമപഞ്ചായത്ത് പ്രസിഡണ്ട് പി വിനു, ചാവക്കാട് താലൂക്ക് തഹസിൽദാർ സുരേഷ് എന്നിവർ മുഖ്യാതിഥികളായി.