4.15 കോടി അധിക പാൽവില പ്രഖ്യാപിച്ച് മിൽമ തിരുവനന്തപുരം മേഖലാ യൂണിയൻ

തിരുവനന്തപുരം: മിൽമ തിരുവനന്തപുരം മേഖലാ യൂണിയനിലെ ക്ഷീരകർഷകർക്കും അംഗസംഘങ്ങൾക്കും പുതുവത്സര സമ്മാനമായി 4.15 കോടി രൂപ അധിക പാൽവിലയായി നൽകുന്നതിന് മേഖല യൂണിയൻ ഭരണസമിതി തീരുമാനിച്ചതായി ചെയർമാൻ മണി വിശ്വനാഥ് അറിയിച്ചു.

തിരുവനന്തപുരം മേഖലാ യൂണിയനിലെ അംഗസംഘങ്ങൾ 2025 ഒക്ടോബറിൽ നൽകിയ പാലളവിന് ആനുപാതികമായി ലിറ്റർ ഒന്നിന് അഞ്ച് രൂപ വീതമാണ് അധിക പാൽവിലയായി നൽകുന്നത്. ഇതിൽ മൂന്ന് രൂപ കർഷകർക്കും ഒരു രൂപ ബന്ധപ്പെട്ട അംഗസംഘത്തിനും ലഭിക്കും. ഒരു രൂപ വീതം മേഖലാ യൂണിയനിൽ സംഘത്തിൻറെ അധിക ഓഹരിനിക്ഷേപമായി സ്വീകരിക്കുന്നതാണെന്നും ചെയർമാൻ കൂട്ടിച്ചേർത്തു.