കോഴിക്കോട് ദേശീയപാതയിൽ നിർമാണത്തിലിരുന്ന മതിലിന്റെ സ്ളാബ് തകർന്നുവീണു

കോഴിക്കോട് ദേശീയപാതയിൽ നിർമാണത്തിലിരുന്ന മതിലിന്റെ സ്ളാബ് തകർന്നുവീണു. കോഴിക്കോട് കൊയിലാണ്ടിയിൽ തിരുവങ്ങൂർ അടിപ്പാതയ്ക്ക് സമീപമാണ് അപകടമുണ്ടായത്.ഇന്നലെ ഉച്ചയോടെയായിരുന്നു സംഭവം. ദേശീയപാത നിർമാണത്തിന്റെ ഭാഗമായി കോൺക്രീറ്റ് സ്ളാബ് മുകളിലേക്കുയർത്തുന്നതിനിടെ കയർ പൊട്ടി വീഴുകയായിരുന്നു. സർവീസ് റോഡിലൂടെ വാഹനങ്ങൾ കടന്നുപോകുന്നതിനിടെയാണ് അപകടമുണ്ടായത്. അപകടത്തിൽ ആർക്കും പരിക്കില്ല.