ചീഫ് മിനിസ്റ്റേഴ്സ് മെഗാക്വിസ് മത്സരത്തിന് പാലക്കാട് ജില്ലയിൽ ആവേശകരമായ പങ്കാളിത്തം

Whatsapp Group

എന്റെ കേരളം- പ്രത്യേക പതിപ്പിനെ അടിസ്ഥാനമാക്കിയുള്ള ചോദ്യങ്ങളാണ് മത്സരത്തിനുണ്ടായിരുന്നത്. www.cmmegaquiz.kerala.gov.in വഴി നോഡൽ ഓഫീസർമാർക്ക് ലഭിച്ച ഒ.ടി.പി ഉപയോഗിച്ച് ചോദ്യപേപ്പർ ഡൗൺലോഡ് ചെയ്താണ് പരീക്ഷ നടത്തിയത്. 30 പ്രാഥമിക ചോദ്യങ്ങളും 10 ടൈബ്രേക്കർ ചോദ്യങ്ങളുമാണ് ഉണ്ടായിരുന്നത്. മൂല്യനിർണയം പൂർത്തിയാക്കി ഒരു വിദ്യാഭ്യാസ സ്ഥാപനത്തിൽ നിന്നും വിജയികളായ രണ്ടു പേരുൾപ്പെടുന്ന രണ്ട് ടീമുകളെ അടുത്ത ഘട്ടത്തിലേക്ക് തിരഞ്ഞെടുത്തു.

സഹ്യജ്യോതി ആർട്‌സ് ആൻഡ് സയൻസ് കോളേജ് കുമളിയിൽ നിന്ന് 22 പേരും പീരുമേട്ടിലെ കോളേജ് ഓഫ് അപ്ലൈഡ് സയൻസിൽ നിന്ന് 23 പേരും ജിപിറ്റിസി വണ്ടിപെരിയാറിലെ  മൂന്നു ഡിപ്പാർട്ട്‌മെന്റുകളിൽ നിന്നായി 37 പേരും മെഗാക്വിസിൽ പങ്കെടുത്തു. കട്ടപ്പന ഗവൺമെന്റ് കോളേജിൽ 105 വിദ്യാർത്ഥികൾ പങ്കെടുത്തു.

നെടുങ്കണ്ടം ഇൻസ്റ്റിറ്റ്യൂട്ട് ഓഫ് നേഴ്‌സിംഗ് എഡ്യൂക്കേഷനിൽ നിന്ന് 180 വിദ്യാർഥികളും പൈനാവ് മോഡൽ പോളിടെക്‌നിക് കോളേജിൽ നിന്ന് 27 വിദ്യാർഥികളും മുരിക്കാശേരി അൽഫോൻസാ നേഴ്‌സിംഗ് കോളേജിൽ നിന്ന് 80 വിദ്യാർഥികളും മത്സരത്തിൽ പങ്കെടുത്തു. മൂന്നാർ എഞ്ചിനീയറിംഗ് കോളേജിൽ നിന്ന് 100 വിദ്യാർത്ഥികൾ പങ്കെടുത്തു.

മെഗാ ക്വിസ് മത്സരത്തിൽ തൊടുപുഴ  ജില്ലാ  വിദ്യാഭ്യാസ ഓഫീസിന്റെ പരിധിയിലെ 67  സ്‌കൂളുകളിലെ വിദ്യാർത്ഥികൾ പങ്കെടുത്തു. കട്ടപ്പന  ജില്ലാ  വിദ്യാഭ്യാസ ഓഫീസിന്റെ പരിധിയിലുള്ള 84 സ്‌കൂളുകളിലെ  വിദ്യാർത്ഥികളും മത്സരത്തിൽ പങ്കെടുത്തു.

സ്‌കൂൾ വിഭാഗം മത്സരങ്ങളുടെ ഗ്രാൻഡ് ഫിനാലെ വിജയികൾക്ക് ഒന്നാം സമ്മാനമായി അഞ്ച് ലക്ഷം രൂപയും രണ്ടാം സമ്മാനമായി മൂന്ന് ലക്ഷം രൂപയും മൂന്നാം സമ്മാനമായി രണ്ട് ലക്ഷം രൂപയും ലഭിക്കും. കോളേജ് വിഭാഗം ഫൈനൽ മത്സര വിജയികൾക്ക് ഒന്നാം സമ്മാനമായി മൂന്ന് ലക്ഷം രൂപയും രണ്ടാം സമ്മാനമായി രണ്ട് ലക്ഷം രൂപയും മൂന്നാം സമ്മാനമായി ഒരു ലക്ഷം രൂപയും സമ്മാനമായി നൽകും. കൂടാതെ മെമന്റോയും പ്രശസ്തി പത്രവും സമ്മാനിക്കും.

സ്‌കൂൾ വിഭാഗത്തിൽ സ്‌കൂൾ, വിദ്യാഭ്യാസ ജില്ല, ജില്ല, സംസ്ഥാനതലങ്ങളിലാണ് മത്സരം സംഘടിപ്പിക്കുക. സ്‌കൂൾതലത്തിൽ വ്യക്തിഗതമായി നടത്തുന്ന മത്സരത്തിനു ശേഷം വിദ്യാഭ്യാസ ജില്ല മുതൽ ടീമുകളാകും മത്സരിക്കുക. കോളേജ് വിഭാഗത്തിൽ കോളേജ്, ജില്ല, സംസ്ഥാന തലങ്ങളിലായിരിക്കും മത്സരം. കോളേജ് തലത്തിൽ വ്യക്തിഗതമായും പിന്നീട് ടീമായും മത്സരിക്കാവുന്ന രീതിയിലാണ് ക്രമീകരിച്ചിട്ടുള്ളത്.

സംസ്ഥാന തലത്തിൽ നടക്കുന്ന ഗ്രാൻഡ് ഫിനാലെയിലൂടെ ഇരു വിഭാഗങ്ങളിലെയും അന്തിമ വിജയിയെ കണ്ടെത്തും. ഇൻഫർമേഷൻ പബ്ലിക് റിലേഷൻസ് വകുപ്പ്, പൊതുവിദ്യാഭ്യാസ, ഉന്നത വിദ്യാഭ്യാസ വകുപ്പുകളുമായി സഹകരിച്ചാണ് ക്വിസ് സംഘടിപ്പിക്കുന്നത്. ഫെബ്രുവരി മൂന്നാം വാരത്തോടെ സംസ്ഥാനതല ഗ്രാൻഡ് ഫിനാലെയിലൂടെ അന്തിമ വിജയികളെ കണ്ടെത്തുന്നതോടെ മെഗാക്വിസ് മത്സരങ്ങൾക്ക് സമാപനമാകും.