ആലത്തൂർ ബ്ലോക്ക് പഞ്ചായത്ത് സമ്പൂർണ മാലിന്യമുക്ത പ്രഖ്യാപനം നടത്തി

പാലക്കാട്: മാലിന്യമുക്ത നവകേരളം ജനകീയ കാംപയിന്റെ ഭാഗമായി ആലത്തൂർ ബ്ലോക്ക്തല സമ്പൂർണ മാലിന്യമുക്ത പ്രഖ്യാപനം   പി പി സുമോദ് എം എൽ എ  ഉദ്ഘാടനം നിർവഹിച്ചു. ബ്ലോക്ക് പഞ്ചായത്ത് ഹാളിൽ നടന്ന പരിപാടിയിൽ കാംപയിൻ പ്രവർത്തനങ്ങളിൽ ഏറ്റവും മികച്ച പ്രവർത്തനം നടത്തിയ പുതുക്കോട് ഗ്രാമപഞ്ചായത്തിനും മികച്ച രണ്ടാമത്തെ പഞ്ചായത്തായ കിഴക്കഞ്ചേരിയേയും പ്രത്യേക സമ്മാനങ്ങൾ നൽകി അഭിനന്ദിച്ചു. എട്ട് ഗ്രാമപഞ്ചായത്തുകളിലെയും മികച്ച വീട്, മികച്ച ഹരിതസ്ഥാപനം, മികച്ച ഹരിത ഗ്രന്ഥശാല, മികച്ച ഹരിത വിദ്യാലയം, മികച്ച ഹരിത അയൽക്കൂട്ടം, ഹരിതകർമ്മസേന എന്നിവർക്ക് എം എൽ എ പ്രത്യേക പുരസ്‌കാരങ്ങൾ നൽകി.  സംസ്ഥാനതലത്തിൽ ഏറ്റവും നല്ല അങ്കണവാടിക്കുള്ള അംഗീകാരം നേടിയ എരിമയൂർ ഗ്രാമപഞ്ചായത്തിലെ ചെങ്കാരം അംഗൻവാടി വർക്കറെയും ഹെൽപ്പറെയും പ്രത്യേകമായി ആദരിച്ചു.