മുനമ്പം വഖ്ഫ് ഭൂമി : പോക്കുവരവ്, കൈവശാവകാശ സർട്ടിഫിക്കറ്റുകൾ അനുവദിക്കരുതെന്ന് കലക്ടർക്ക് നിർദേശം നൽകി ഹൈക്കോടതി

കൊച്ചി: മുനമ്പം വഖ്ഫ് ഭൂമിയിലെ 'കൈയ്യേറ്റക്കാരിൽ' നിന്നും കരം സ്വീകരിക്കാമെന്ന ഇടക്കാല ഉത്തരവ് മാത്രമേ കലക്ടർ നടപ്പാക്കാവൂയെന്ന് ഹൈക്കോടതി. ഇടക്കാല ഉത്തരവിന് പിന്നാലെ കൈയ്യേറ്റക്കാരിൽ നിന്നും പോക്കുവരവ്, കൈവശാവകാശ സർട്ടിഫിക്കറ്റുകൾക്കുള്ള അപേക്ഷകൾ കലക്ടർ സ്വീകരിച്ചുവെന്ന് ചൂണ്ടിക്കാട്ടി നൽകിയ ഹരജിയിലാണ് കോടതി നിർദേശം. ജില്ലാ കലക്ടറുടെ നടപടികൾ ഇടക്കാല ഉത്തരവിന് വിരുദ്ധമാണെന്ന് ചൂണ്ടിക്കാട്ടി വഖ്ഫ് സംരക്ഷണ സമിതി നൽകിയ അപേക്ഷയാണ് കോടതി പരിഗണിച്ചത്. '' ഇടക്കാല ഉത്തരവ് ലംഘിക്കപ്പെട്ടെന്ന് ഹരജിക്കാർ പറയുന്നു.