.jpg)
മുണ്ടക്കയം കുടുംബാരോഗ്യകേന്ദ്രത്തിലെ ഐ.പി. വിഭാഗവും എക്സ്റേ യൂണിറ്റും മന്ത്രി വീണാ ജോർജ് ഉദ്ഘാടനം ചെയ്തു
കോട്ടയം: മുണ്ടക്കയം കുടുംബാരോഗ്യകേന്ദ്രത്തിലെ വിവിധ പദ്ധതികൾ ആരോഗ്യ-വനിതാ ശിശുവികസന വകുപ്പ് മന്ത്രി വീണാ ജോർജ് ഉദ്ഘാടനം ചെയ്തു. അഡ്വ. സെബാസ്റ്റ്യൻ കുളത്തുങ്കൽ എം.എൽ.എ. അധ്യക്ഷത വഹിച്ചു.24 മണിക്കൂർ ഐ.പി. വിഭാഗം, എക്സ്-റേ യൂണിറ്റ്, പാലിയേറ്റീവ് യൂണിറ്റ് എന്നിവയുടെ ഉദ്ഘാടനമാണ് മന്ത്രി നിർവഹിച്ചത്.
tRootC1469263">ബ്ലോക്ക് പഞ്ചായത്തിന്റെ 2020-25 ഭരണസമിതിയുടെ കാലത്ത് ഈ ആശുപത്രിയിൽ 3.55 കോടി രൂപയുടെ വികസന-സേവന പ്രവർത്തനങ്ങൾ നടത്തി.എക്സ്-റേ യൂണിറ്റിനായി 31.25 ലക്ഷം രൂപയും പാലിയേറ്റീവ് കെയർ ഫർണിഷിംഗിനായി 35 ലക്ഷം രൂപയുമാണ് ബ്ലോക്ക് പഞ്ചായത്തിന്റെ ഫണ്ടിൽ നിന്ന് വിനിയോഗിച്ചത്.
അവശ്യ മരുന്നുകൾ വാങ്ങുന്നതിന് 77 ലക്ഷം രൂപയും സെക്കൻഡറി പാലിയേറ്റീവ് കെയറിന് 50 ലക്ഷം രൂപയും വനിതാ ക്യാൻസർ നിർണയ ക്യാമ്പിന് ആറു ലക്ഷം രൂപയും കോവിഡ് പ്രതിരോധ പ്രവർത്തനങ്ങൾക്ക് 45 ലക്ഷം രൂപയും ചെലവിട്ടു. കുടിവെളളം എത്തിക്കാൻ മൂന്നു ലക്ഷം രൂപയും ബയോമെഡിക്കൽ മാലിന്യ പ്ലാന്റ് സ്ഥാപിക്കാൻ മൂന്നുലക്ഷം രൂപയും വിനിയോഗിച്ചു.
കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്റ് അജിതാ രതീഷ്, മുണ്ടക്കയം ഗ്രാമപഞ്ചായത്ത് പ്രസിഡന്റ് രേഖാ ദാസ്, ബ്ലോക്ക് പഞ്ചായത്ത് വൈസ് പ്രസിഡന്റ് ജോളി മടുക്കക്കുഴി, ജില്ലാ പഞ്ചായത്ത് സ്ഥിരംസമിതി അധ്യക്ഷ പി.ആർ. അനുപമ, ബ്ലോക്ക് പഞ്ചായത്ത് സ്ഥിരംസമിതി അധ്യക്ഷരായ ടി.ജെ. മോഹനൻ,ഷക്കീല നസീർ, ബ്ലോക്ക് പഞ്ചായത്തംഗങ്ങളായ അഡ്വ. സാജൻ കുന്നത്ത്, ടി.എസ. കൃഷ്ണകുമാർ, പി.കെ. പ്രദീപ്, അനു ഷിജു, ഗ്രാമപഞ്ചായത്ത് അംഗം ലിസി ജിജി, ബ്ലോക്ക് പഞ്ചായത്ത് സെക്രട്ടറി എസ്. സജീഷ്, ജില്ലാ മെഡിക്കൽ ഓഫീസർ ഡോ.എൻ. പ്രിയ, ദേശീയ ആരോഗ്യ മിഷൻ ജില്ലാ പ്രോഗ്രാം മാനേജർ ഡോ. വ്യാസ് സുകുമാരൻ, മുണ്ടക്കയം മെഡിക്കൽ ഓഫീസർ ഡോ.സീന ഇസ്മായിൽ, രാഷ്ട്രീയ പാർട്ടി പ്രതിനിധികളായ എം.ജി. രാജു, സുലോചന സുരേഷ്, കെ.എസ്. രാജു, ചാർലി കോശി, സിജു കൈതമറ്റം,ടി.സി. സെയ്ദ് മുഹമ്മദ് എന്നിവർ പങ്കെടുത്തു.