.jpg)
പ്ലാസ്റ്റിക്കിന് സമ്പൂർണ നിരോധനം ; റിപബ്ലിക് ദിനാഘോഷം ആശ്രാമം മൈതാനത്ത്
കൊല്ലം : ജില്ലയിലെ റിപബ്ലിക് ദിനാഘോഷം ജനുവരി 26ന് ആശ്രാമം മൈതാനത്ത് സമുചിതമായി ആഘോഷിക്കാൻ ജില്ലാ കലക്ടറുടെ അധ്യക്ഷതയിൽ ചേർന്ന യോഗം തീരുമാനിച്ചു. പൂർണമായും ഹരിതചട്ടം ഉറപ്പാക്കും. പ്ലാസ്റ്റിക്നിർമിത ദേശീയപതാകകളുടെ ഉത്പാദനവും വിതരണവും വിൽപനയും പ്രദർശനവും നിരോധിച്ചു. കടകളിൽ പ്ലാസ്റ്റിക് പതാകകൾ ഒഴിവാക്കണമെന്ന് നിർദേശം നൽകി.
tRootC1469263">പൊലീസ്, എക്സൈസ്, ഫോറസ്റ്റ്, അഗ്നിരക്ഷാസേന, സ്റ്റുഡന്റ് പോലീസ്, എൻ.സി.സി, സ്കൗട്ട് ആൻഡ് ഗൈഡ്സ്, ജൂനിയർ റെഡ്ക്രോസ് തുടങ്ങിയ വിഭാഗങ്ങളുടെ പ്ലറ്റൂണുകൾ പരേഡിൽ അണിനിരക്കും. സ്കൂളുകളിൽ നിന്നുള്ള ബാൻഡ് ട്രൂപ്പുകളും ഉണ്ടാകും. പരേഡ് പരിശീലനം ജനുവരി 22, 23 തീയതികളിൽ വൈകിട്ട് മൂന്നിനും ഡ്രസ് റിഹേഴ്സൽ 24ന് രാവിലെ 7.30നും നടത്തും.
ആവശ്യമായ സുരക്ഷാക്രമീകരണങ്ങൾക്ക് നിർദേശം നൽകി. പരേഡിൽ പങ്കെടുക്കുന്നവർക്ക് യാത്രാസൗകര്യം ഒരുക്കും. വിദ്യാർഥികൾക്ക് കൺസഷൻ ലഭ്യമാക്കുന്നതിന് ആർ.ടി.ഒയ്ക്കാണ് ചുമതല. കുടിവെള്ളലഭ്യത ഉറപ്പാക്കും. പരിശീലനസമയത്തും പരേഡ്ദിനത്തിലും ആംബുലൻസ്സഹിതം ആരോഗ്യസംഘമുണ്ടാകും. എല്ലാ ജീവനക്കാരും റിപബ്ലിക് ദിനാഘോഷ പരിപാടികളിൽ പങ്കെടുക്കണമെന്ന് ജില്ലാ കലക്ടർ നിർദേശിച്ചു. എല്ലാ വ്യാപാര, വാണിജ്യ, സ്വകാര്യ സ്ഥാപനങ്ങളിലും ആഘോഷപരിപാടികൾ സംഘടിപ്പിക്കണമെന്നും ആവശ്യപ്പെട്ടു. എ.ഡി.എം ജി നിർമൽകുമാർ, ജില്ലാതല ഉദ്യോഗസ്ഥർ തുടങ്ങിയവർ പങ്കെടുത്തു.