നാമനിർദ്ദേശപത്രിക സമർപ്പണത്തിനുള്ള നടപടിക്രമം പാലിക്കണം : കൊല്ലം ജില്ലാ കലക്ടർ

Whatsapp Group

* ഫോം 2 ൽ ഉള്ള നാമനിർദേശപത്രികയോടൊപ്പം ഫോം 2A കൂടി സമർപ്പിക്കണം.
നാമനിർദേശ കൃത്യമായി പൂരിപ്പിച്ച് സ്ഥാനാർഥി, സ്ഥാനാർത്ഥിയെ നാമനിർദേശം ചെയ്യുന്ന ആൾ എന്നിവർ ഒപ്പിട്ടിരിക്കണം.
* സ്ഥാനാർഥി  താൻ മത്സരിക്കുന്ന തദ്ദേശ സ്വയംഭരണ സ്ഥാപനത്തിലെ ഏതെങ്കിലും വാർഡ് /ഡിവിഷനിലെ  വോട്ടർ ആയിരിക്കണം.  മറ്റ് വാർഡ് /ഡിവിഷനിൽ ആണ് മത്സരിക്കുന്നതെങ്കിൽ പേര് ഉൾപ്പെട്ട വോട്ടർപട്ടികയുടെ സാക്ഷ്യപ്പെടുത്തിയ പകർപ്പ് ഹാജരാക്കണം.
* സ്ഥാനാർത്ഥിയെ നാമനിർദേശം ചെയ്യുന്ന ആൾ അതെ  വാർഡ് /ഡിവിഷനിലെ    വോട്ടർ ആയിരിക്കണം .
* നാമനിർദേശ പത്രികയോടൊപ്പം സമർപ്പിക്കുന്ന ഫോം 2A യിൽ സ്ഥാനാർത്ഥിയുടെ സ്വത്ത്, ആസ്തി ബാധ്യത, കേസ് ഉണ്ടെങ്കിൽ  വിവരം ഉൾപ്പെടെ എല്ലാ കോളങ്ങളും പൂരിപ്പിക്കേണ്ടതാണ്
നാമനിർദേശ പത്രികയോടൊപ്പം കെട്ടിവെച്ച തുകയുടെ രസീത്  ഹാജരാക്കണം . സ്ഥാനാർത്ഥികൾ കെട്ടിവെക്കേണ്ട തുക: ഗ്രാമപഞ്ചായത്ത് -2000 രൂപ, ബ്ലോക്ക് പഞ്ചായത്ത് -4000 രൂപ, ജില്ലാ പഞ്ചായത്ത് -5000 രൂപ, മുൻസിപ്പാലിറ്റി -4000 രൂപ, കോർപ്പറേഷൻ -5000 രൂപ  എന്നിങ്ങനെയാണ്. തുക ഇപ്പോൾ കെ-സ്മാർട്ട് വഴിയും അടയ്ക്കാം.
* പട്ടിക ജാതി / പട്ടിക വർഗ്ഗ സംവരണ സീറ്റിൽ മത്സരിക്കുന്ന സ്ഥാനാർത്ഥികൾ ബന്ധപ്പെട്ട അധികാരിയിൽ നിന്നുള്ള ജാതി സർട്ടിഫിക്കറ്റ്  നാമനിർദേശ പത്രികയോടൊപ്പം ഹാജരാക്കണം .
* പട്ടിക ജാതി / പട്ടിക വർഗ്ഗത്തിൽ ഉൾപ്പെട്ട സ്ഥാനാർത്ഥികൾക്ക് കെട്ടി വെക്കേണ്ടുന്ന തുകയിൽ 50 % ഇളവ് ലഭിക്കും.  ജനറൽ സീറ്റിൽ മത്സരിക്കുന്ന  പട്ടിക ജാതി / പട്ടിക വർഗ്ഗ സ്ഥാനാർത്ഥികൾ ഇളവ് ആവശ്യമുണ്ടെങ്കിൽ ജാതി  സർട്ടിഫിക്കറ്റ് ഹാജരാക്കണം .
*നാമനിർദേശ പട്ടിക സമർപ്പിക്കുന്ന അവസരത്തിൽ സ്ഥാനാർത്ഥികൾ വരണാധികാരി/ ഉപവരണാധികാരി മുൻപാകെ സത്യപ്രതിജ്ഞ / ദൃഢപ്രതിജ്ഞ എടുക്കേണ്ടതാണ്. നാമനിർദേശം സമർപ്പിക്കുന്ന സമയത്ത് സ്ഥാനാർത്ഥിക്ക് ഹാജരാകാൻ പറ്റിയില്ലെങ്കിൽ സ്ഥാനാർഥി ഗസറ്റഡ് ഓഫീസർ തുടങ്ങി അധികാരപ്പെടുത്തിയ ഉദ്യോഗസ്ഥർ മുൻപാകെ  സത്യപ്രതിജ്ഞ / ദൃഢപ്രതിജ്ഞ എടുത്ത് സാക്ഷ്യപ്പെടുത്തി ഹജരാക്കണം.
* അംഗീകൃത രാഷ്ട്രീയ പാർട്ടികളുടെ പ്രതിനിധിയായി മത്സരിക്കുന്ന സ്ഥാനാർത്ഥികൾക്ക് അവർക്ക് അനുവദിക്കപ്പെട്ടിട്ടുള്ള ചിഹ്നം അനുവദിക്കുന്നതിനായി അതത് രാഷ്ട്രീയ പാർട്ടികളുടെ ചുമതലപ്പെടുത്തിയ ഭാരവാഹിയുടെ കത്ത് ഹാജരാക്കണം .
* സ്ഥാനാർത്ഥിയുടെ ബാങ്ക് അക്കൗണ്ട് സംബന്ധിച്ച വിവരങ്ങൾ ഫോം N 42 വിൽ ഹാജരാക്കണം.
* ജില്ലാ പഞ്ചായത്തു ഡിവിഷനുകളിലേക്കുള്ള നോമിനേഷനുകൾ വരണാധികാരിയായ  ജില്ലാകലക്ടർ മുമ്പാകെയോ ഉപവരണാധികാരിയായ എഡിഎം മുമ്പാകെയോ സമർപ്പിക്കാം.
* പത്രിക സമർപ്പണ സമയത്തു സ്ഥാനാർത്ഥി ഉൾപ്പെടെ 5 പേർക്ക് പങ്കെടുക്കാം എന്നും അറിയിച്ചു.