.jpg)
എക്വിപ് 2026 പദ്ധതി; കാസർകോട് ചോദ്യ ബാങ്കിൻ്റെ പ്രകാശനം നടന്നു
കാസർകോട് : സമഗ്ര ഗുണമേൻമ വിദ്യാഭ്യാസ പദ്ധതിയുടെ ഭാഗമായി കാസർകോട് ജില്ലാ പഞ്ചായത്ത്, കാസർകോട് ഡയറ്റിൻ്റെ സഹകരണത്തോടെ നടപ്പിലാക്കുന്ന എക്വി .പ് 2026 പദ്ധതിയുടെ ഭാഗമായി ജില്ലയിലെ പത്താം തരം വിദ്യാർഥികളുടെ മികവുയർത്തുന്നതിന് തയ്യാറാക്കിയ ചോദ്യ ബാങ്കിൻ്റെ പ്രകാശനം ജില്ലാ പഞ്ചായത്ത് ഹാളിൽ നടന്നു. പത്താം തരത്തിലെ പാഠപുസ്തകങ്ങളും വിലയിരുത്തൽ രീതിയും മാറിയ സാഹചര്യത്തിലാണ് ആത്യന്തിക വിലയിരുത്തലിനെ അടിസ്ഥാനമാക്കി ഡയറ്റിൻ്റെ അക്കാദമിക പിന്തുണയോടെ ചോദ്യശേഖരം തയാറാക്കിയത്. മലയാളം, ഇംഗ്ലീഷ്, കന്നഡ ഭാഷകളിൽ പത്താം തരത്തിലെ ഐ ടി ഒഴികെയുള്ള വിഷയങ്ങളിലാണ് ചോദ്യശേഖരം ലഭ്യമാക്കുന്നത്.
tRootC1469263">ജില്ലാ പഞ്ചായത്ത് പ്രസിഡൻ്റ് സാബു എബ്രഹാം ഉദ്ഘാടനം ചെയ്തു. വിദ്യാഭ്യാസ ഉപഡയരക്ടറുടെ അധിക ചുമതലയുള്ള പി സത്യഭാമ അധ്യക്ഷയായി. ഡയറ്റ് പ്രിൻസിപ്പൽ ഡോ.കെ രഘുരാമ ഭട്ട് പദ്ധതി വിശദീകരണം നടത്തി. ജില്ലാ പഞ്ചായത്ത് മുൻ ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർപേഴ്സൺ അഡ്വ.എസ് എൻ സരിത മുഖ്യാതിഥിയായി. എക്വിപ് കോർഡിനേറ്റർ എ.ഗിരീഷ് ബാബു, കൈറ്റ് ജില്ലാ കോർഡിനേറ്റർ റോജി ജോസഫ്, വിശ്വനാഥ ഭട്ട് എന്നിവർ സംസാരിച്ചു.
