പരിമിതികളെ തോൽപ്പിച്ച പ്രതിഭകൾക്ക് ആദരം; വിദ്യാനഗർ ബ്ലൈൻഡ് സ്കൂളിൽ 'അനുമോദന സദസ്സ് സംഘടിപ്പിച്ചു

കാസർ​ഗോട് :  ശാരീരിക പരിമിതികളെ ആത്മവിശ്വാസം കൊണ്ട് അതിജീവിച്ച് പഠന-കലാ-കായിക രംഗങ്ങളിൽ വിജയക്കൊടി പാറിച്ച വിദ്യാനഗർ ഗവ. കാഴ്ചപരിമിതരുടെ വിദ്യാലയത്തിലെ പ്രതിഭകൾക്കായി 'അനുമോദന സദസ്സ് 2026' സംഘടിപ്പിച്ചു. 2025-26 അക്കാദമിക വർഷത്തിൽ സ്കൂളിന്റെ അഭിമാനം വാനോളമുയർത്തിയ മിടുക്കരെ ആദരിക്കാനാണ്   ഈ സ്നേഹസദസ്സ് ഒരുക്കിയത്. അനുമോദന സദസ്സിൻ്റെയും സ്കൂളിലെ സാഹിത്യ സമാജം സമാപനത്തിന്റെയും ഉദ്ഘാടനം ജില്ലാ ഇൻഫർമേഷൻ ഓഫീസർ  എം. മധുസൂദനൻ  നിർവഹിച്ചു. പ്രതിസന്ധികളെ പുഞ്ചിരിയോടെ നേരിട്ട് മുന്നേറുന്ന ഈ കുട്ടികളുടെ നേട്ടങ്ങൾ സമൂഹത്തിന് വലിയൊരു പാഠമാണെന്ന് അദ്ദേഹം പറഞ്ഞു. സ്കൂൾ ഓഡിറ്റോറിയത്തിൽ നടന്ന ചടങ്ങിൽ പ്രധാനാധ്യാപിക .കെ. ഓമന അധ്യക്ഷത വഹിച്ചു.