.jpg)
കൊടും മഴയിലും നിർമ്മാണ പ്രവൃത്തി നിർത്തിവെച്ചില്ല, കണ്ണൂർ ചാലക്കുന്നിൽ മണ്ണിടിഞ്ഞു വീണ് ഇതരസംസ്ഥാന തൊഴിലാളി ദാരുണമായി കൊല്ലപ്പെട്ടത് കരാർ കമ്പിനിയുടെ അനാസ്ഥയെന്ന് ആരോപണവുമായി പ്രദേശവാസികൾ
കോണ്ക്രീറ്റ് പാളികളില്നിന്ന് പുറത്തേക്ക് ഉന്തിനിന്ന കമ്പികള്ക്ക് മുകളിലേക്കാണ് ബിയാസ് വീണത്. ഇയാളുടെ തലയിലൂടെ ഇരുമ്പുകമ്പികള് തുളച്ചുകയറിയാണ് മരണം സംഭവിച്ചത്
കണ്ണൂർ : തലശേരി - കണ്ണൂർ ദേശീയപാതയിലെ ചാലക്കുന്നിൽ മണ്ണിടിച്ചിലിൽ കോൺക്രീറ്റ് നിര്മാണ പ്രവര്ത്തനങ്ങളില് ഏര്പ്പെട്ടിരുന്ന ഇതരസംസ്ഥാന തൊഴിലാളി ദാരുണമായിമരിച്ചു. ഝാര്ഖണ്ഡ് സ്വദേശിയായ ബിയാസ് ഒര്വന് (28) ആണ് മരിച്ചത്.
ചാലക്കുന്നില് പണി നടന്നുകൊണ്ടിരിക്കുന്ന ദേശീയപാതയില് ശനിയാഴ്ച്ച വൈകുന്നേരം 5.30 ഓടെയാണ് അപകടം നടന്നത്.പാതയുടെ വശങ്ങളിലെ കോണ്ക്രീറ്റ് മതിലിന്റെ നിര്മാണ പ്രവൃത്തികളാണ് നടന്നുകൊണ്ടിരുന്നത്. കോണ്ക്രീറ്റ് പണിയുടെ ആവശ്യങ്ങള്ക്കായി കൊണ്ടുവെച്ചിരുന്ന ഇരുമ്പുപാളികള് വയ്ക്കാന് ശ്രമിക്കുമ്പോഴായിരുന്നു അപകടം. മണ്ണിടിഞ്ഞ് ബിയാസ് താഴെ കോണ്ക്രീറ്റ് പാളികളിലേക്ക് വീഴുകയായിരുന്നു.
tRootC1469263">കോണ്ക്രീറ്റ് പാളികളില്നിന്ന് പുറത്തേക്ക് ഉന്തിനിന്ന കമ്പികള്ക്ക് മുകളിലേക്കാണ് ബിയാസ് വീണത്. ഇയാളുടെ തലയിലൂടെ ഇരുമ്പുകമ്പികള് തുളച്ചുകയറിയാണ് മരണം സംഭവിച്ചത്. ബിയാസ് സംഭവ സ്ഥലത്തുവെച്ചുതന്നെ മരിച്ചതായാണ് വിവരം. സ്ഥലത്ത് കനത്ത മഴ ഉണ്ടായിരുന്നതായും ഈ മഴയിലാണ് മണ്ണിടിഞ്ഞ തെന്നാണ് സഹപ്രവർത്തകർ നൽകുന്ന വിവരം. മൃതദേഹം പോസ്റ്റുമോർട്ടം നടപടികൾക്കായി കണ്ണൂർ ജില്ലാ ശുപത്രി മോർച്ചറിയിലേക്ക് മാറ്റി.
