ഇരിട്ടി ടൗണിൽ മദ്യ ലഹരിയിൽ പരാക്രമം : പരിഭ്രാന്തി പരത്തിയ യുവാവിനെ പൊലിസ് പിടികൂടി

ഇരിട്ടി: ഇരിട്ടി ടൗണിൽ മദ്യ ലഹരിയിൽ യുവാവിന്റെ പരാക്രമം. സ്ത്രീകളെ ഉൾപ്പെടെ ആക്രമിച്ച യുവാവിനെ ഫയർഫോഴ്സിന്റെ സഹായത്തോടെ ഇരിട്ടി പൊലീസ് പിടികൂടി.ആറളം ഫാം പുനരധിവാസമേഖലയിൽ താമസിക്കുന്ന യുവാവാണ് അക്രമം നടത്തിയത്. 

തുടർന്ന് നാട്ടുകാർ ഇയാളെ പിന്തുടർന്ന് പിടികൂടാൻ ശ്രമിച്ചപ്പോൾ പുതിയ സ്റ്റാൻ്റിലെ കെട്ടിടത്തിൻ്റെ 2-ാം നിലയിൽ കയറി. ഫയർ ഫോഴ്സിൻ്റെ സഹായത്തോടെ നാട്ടുകാരും പൊലീസും ചേർന്ന് ഇയാളെ താഴെയിറക്കുകയായിരുന്നു. മദ്യലഹരിയിലാണ് ഇയാൾ അക്രമം നടത്തിയതെന്ന് പൊലിസ് പറഞ്ഞു. കാലിന് പരിക്കുള്ളതിനാൽ ഇരിട്ടി താലൂക്ക് ആശുപത്രിയിൽ പ്രവേശിപ്പിച്ച് ചികിത്സ നൽകി.