കണ്ണൂരിൽ മുൻ എം.പി രമ്യാ ഹരിദാസ് ഉദ്ഘാടനം ചെയ്തു പോയതിന് ശേഷം കുടുംബ സംഗമം അലങ്കോലമാക്കാൻ ശ്രമിച്ചുവെന്ന് യു.ഡി.എഫ് പരാതി

കാടാച്ചിറ : കാടാച്ചിറ ഡേക്ടർമുക്കിൽ നടത്തിയ മുൻ എം.പി രമ്യാ ഹരിദാസ് ഉദ്ഘാടനം ചെയ്തു പോയതിനു ശേഷം യു.ഡി.എഫ് കുടുംബ സംഗമം അലങ്കോലമാക്കാൻ ശ്രമിച്ചുവെന്ന് പരാതി. ഞായറാഴ്ച്ച ഉച്ചയ്ക്ക് കുടുംബ സംഗമത്തിൻ്റെ അനൗൺസ്മെൻ്റ് വാഹനം തടഞ്ഞുവെച്ച് ഒരു സംഘമാളുകൾ രണ്ട് പ്രവർത്തകരെ ഭീഷണിപ്പെടുത്തിയിരുന്നു. ഇതിൻ്റെ തുടർച്ചയായിയു.ഡി.എഫ് കുടുംബ സംഗമം അലങ്കോലമാക്കാൻ ശ്രമിച്ചുവെന്ന്  യുഡിഎഫ് കടമ്പൂർ മണ്ഡലം കമ്മിറ്റി ഭാരവാഹികൾ ആരോപിച്ചു. കോൺഗ്രസ് കടമ്പൂർ മണ്ഡലം പ്രസിഡൻ്റ് സി.ഒ. രാജേഷ് പ്രസംഗിച്ചു കൊണ്ടിരിക്കുമ്പോൾ കാറിലെത്തിയ സംഘം കൂക്കിവിളിച്ചു തടസപ്പെടുത്താൻ ശ്രമിക്കുകയായിരുന്നു.