ജനം പെരുവഴിയിലാവുന്നത് തുടരും, കണ്ണൂർ-തോട്ടട-തലശ്ശേരി റൂട്ടിൽ പണിമുടക്ക് തുടരുമെന്ന് ബസ്സുടമകൾ

കണ്ണൂർ - തോട്ടട - തലശ്ശേരി റൂട്ടിൽ സ്വകാര്യ ബസ്സുകളുടെ പണിമുടക്ക് തുടരുമെന്ന് ബസ്സുടമകൾ. കഴിഞ്ഞ രണ്ട് ദിവസമായി നടക്കുന്ന പണിമുടക്ക് തുടരാൻ ഇന്ന് നടന്ന ബസ് ഉടമകളുടെ യോഗത്തിലാണ് തീരുമാനിച്ചത് നടാലിൽ ദേശീയപാത 66 ലേക്കുള്ള പ്രവേശനം തടഞ്ഞത് നീക്കാതെ സർവീസ് നടത്താനാവില്ലെന്ന് അസോസിയേഷൻ ജില്ലാ ജനറൽ സെക്രട്ടറി രാജ്‌കുമാർ കരുവാരത്ത്. പുതിയ ദേശീയപാതയുടെ ഭാഗമായി ഒകെയുപി സ്കൂൾ പരിസരത്ത് സർവീസ് റോഡും ഡ്രൈനേജും നിർമ്മിക്കുന്നതിനായി നിലവിൽ കണ്ണൂരിൽ നിന്ന് തലശ്ശേരിയിലേക്കുള്ള പുതിയ ദേശീയ പാതയിലേക്കുളെ പ്രവേശനമാണ്  ബുധനാഴ്ച്ച അടച്ചത്.