എവറസ്റ്റ് സാഹസിക യാത്രയ്ക്കിടെ തലശേരി സ്വദേശിയായ വ്ളോഗർ നേപ്പാളിലെ ബെയ്സ് ക്യാംപിൽ മരിച്ചു

Thalassery native vlogger dies at Nepal base camp during Everest adventure

കണ്ണൂർ:എ​വ​റ​സ്റ്റി​ന്‍റെ ബേ​സ് ക്യാ​മ്പി​ലേ​ക്കു​ള്ള സാ​ഹ​സി​ക യാ​ത്ര​യ്ക്കി​ടെ തലശേരി സ്വദേശിയായ വ്ളോഗർക്ക് നേ​പ്പാ​ളി​ൽ ദാ​രു​ണാ​ന്ത്യം. ത​ല​ശേ​രി എ​ര​ഞ്ഞോ​ളി ചുങ്കം അംഗൺ വാടിക്ക് സമീപം കെ വി അ​ഞ്ജു​നാ​ഥ് കാ​വി​ങ്ങ​ൽ വ​ള​പ്പി​ലാ​ണ് (31)മ​രി​ച്ച​ത്. വ്യാ​ഴാ​ഴ്ച്ച രാവിലെ ഏഴിനാണ് യു​വാ​വി​നെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ട്രാ​വ​ൽ വി​ത്ത് അ​ഞ്ജു​നാ​ഥ് എ​ന്ന പേ​രി​ൽ സ​മൂ​ഹ​മാ​ധ്യ​മ​ങ്ങ​ളി​ൽ യാ​ത്രാ​വി​വ​ര​ങ്ങ​ൾ പ​ങ്കു​വെ​ച്ചി​രു​ന്ന അ​ഞ്ജു​നാ​ഥ്, എ​വ​റ​സ്റ്റ് ബേ​സ് ക്യാ​മ്പി​ലേ​ക്കു​ള്ള യാ​ത്ര​യ്ക്കി​ടെ​യാ​ണ് മ​ര​ണ​പ്പെ​ട്ട​ത്. 

അ​ന്ന​പൂ​ർ​ണ ബേ​സ് ക്യാ​മ്പി​ൽ നി​ന്നു​ള്ള ദൃ​ശ്യ​ങ്ങ​ളും വി​വി​ധ മ​ല​നി​ര​ക​ളു​ടെ മ​നോ​ഹ​ര​മാ​യ കാ​ഴ്ച​ക​ളും അ​ദ്ദേ​ഹം പ​തി​വാ​യി സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പ​ങ്കു​വെ​ച്ചി​രു​ന്നു. എ​വ​റ​സ്റ്റ് ബേ​സ് ക്യാ​മ്പി​ലേ​ക്കു​ള്ള യാ​ത്രാ​മ​ധ്യേ സ​മു​ദ്ര​നി​ര​പ്പി​ൽ​നി​ന്ന് ഏ​ക​ദേ​ശം 5,164 മീ​റ്റ​ർ ഉ​യ​ര​ത്തി​ലു​ള്ള ഗൊ​ര​ക്ഷേ​പ്പി​ലാ​ണ് അ​ഞ്ജു​നാ​ഥി​നെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്.
ഉയർന്ന പ്രദേശങ്ങളിൽ എത്തുമ്പോൾ അന്തരീക്ഷമർദ്ദവും ഓക്സിജന്റെ അളവും കുറയുന്നത് മൂലം ശരീരത്തിനുണ്ടാകുന്ന അസ്വസ്ഥതയായ 'അക്യൂട്ട് മൗണ്ടൻ സിക്ക്‌നസ്' (Acute Mountain Sickness) ബാധിച്ചതാണ് മരണകാരണമെന്നാണ് പ്രാഥമിക നിഗമനം.


അഞ്ജുനാഥിന്റെ അപ്രതീക്ഷിത വിയോഗം നാടിനെയും സുഹൃത്തുക്കളെയും  ദുഃഖത്തിലാഴ്ത്തിയിരിക്കുകയാണ്. മൃതദേഹം നാട്ടിലെത്തിക്കുന്നതിനുള്ള നടപടികൾ ഇന്ത്യൻ എംബസി നേപ്പാൾ സർകാരുമായി ബന്ധപ്പെട്ട് നടത്തിവരികയാണ്.  എ​വ​റ​സ്റ്റ് ബേ​സ് ക്യാ​മ്പ് ട്രെ​ക്കി​ങ്ങി​ലെ അ​വ​സാ​ന​ത്തെ പ്ര​ധാ​ന താ​മ​സ​കേ​ന്ദ്ര​ങ്ങ​ളി​ലൊ​ന്നാ​ണ് ഗൊ​ര​ക്ഷേ​പ്. ക​ഴി​ഞ്ഞ വ​ർ​ഷം അ​ന്ന​പൂ​ർ​ണ ബേ​സ് ക്യാ​മ്പ് ട്രെ​ക്കിം​ഗ് വി​ജ​യ​ക​ര​മാ​യി പൂ​ർ​ത്തി​യാ​ക്കി​യ ശേ​ഷ​മാ​ണ് അ​ഞ്ജു​നാ​ഥ് എ​വ​റ​സ്റ്റ് ബേ​സ് ക്യാ​മ്പ് ല​ക്ഷ്യ​മാ​ക്കി യാ​ത്ര തി​രി​ച്ച​ത്. മൃതദേഹം നാട്ടിലേക്ക് കൊണ്ടുവരണമെന്ന് ബന്ധുക്കൾ കേന്ദ്ര, സംസ്ഥാന സർക്കാരുകൾക്ക് അപേക്ഷ നൽകിയിട്ടുണ്ട്.

Tags