.jpg)
സൂപ്പര് ലീഗ് കേരള ;കണ്ണൂര് വാരിയേഴ്സ് എഫ്സിയുടെ മൂന്നാം ഹോം മത്സരത്തിനുള്ള ടിക്കറ്റ് വില്പന ഇന്ന് ആരംഭിക്കും
കണ്ണൂര് : സൂപ്പര് ലീഗ് കേരളയില് കണ്ണൂര് വാരിയേഴ്സ് എഫ്സിയുടെ മൂന്നാം ഹോം മത്സരത്തിനുള്ള ടിക്കറ്റ് വില്പന വെള്ളിയാഴ്ച ആരംഭിക്കും. നവംബര് 19 ന് ബുധനാഴ്ച രാത്രി 7.30 ന് മലപ്പുറം എഫ്സികെതിരെയാണ് മത്സരം. ആദ്യ മത്സരത്തില് അനുഭവപ്പെട്ട അനിയന്ത്രിത തിരക്കിനെ തുടര്ന്ന് അധികാരികള് സൗജന്യമായി ആളുകളെ സ്റ്റേഡിയത്തിലേക്ക് പ്രവേശിപ്പിക്കുന്നത് അവസാനിപ്പിക്കാന് നിര്ദേശിച്ചിട്ടുണ്ട്.
tRootC1469263">കണ്ണൂരിലെ ഫുട്ബോള് ആരാധകരുടെ സുരക്ഷ മുന്നിര്ത്തി കണ്ണൂര് വാരിയേഴ്സ് മാനേജ്മെന്റ് സ്ത്രീകള്ക്കും 12 വയസ്സിന് താഴെയുള്ള കുട്ടികള്ക്കുമുള്ള സൗജന്യ പ്രവേശനം നിര്ത്തലാക്കുന്നതായി അറിയിച്ചു. ഇനിയുള്ള മത്സരങ്ങളില് ടിക്കറ്റ് എടുത്തവര്ക്ക് മാത്രമായിരിക്കും സ്റ്റേഡിയത്തിന് അകത്തേക്ക് പ്രവേശനം.
അതിനാല് ആളുകള്ക്ക് കുറഞ്ഞ ചലവില് ടിക്കറ്റ് എടുക്കുന്നതിന് 199, 149 എന്നീ പ്രീമിയം, ഡിലക്സ് ടിക്കറ്റുകള് നിര്ത്തലാക്കി. അതിന് പകരം ഗ്യാലറിയിലെ എല്ലാ ടിക്കറ്റുകള്ക്കും 100 രൂപയാക്കി കുറച്ചു. ആദ്യ രണ്ട് മത്സരങ്ങളില് നിന്ന് വ്യത്യസ്ഥമായി രണ്ട് വിഭാഗങ്ങളില് മാത്രമായിരിക്കും ടിക്കറ്റുകള്. 100 രൂപയുടെ ഗ്യാലറി 500 രൂപയുടെ വി.ഐ.പി. ടിക്കറ്റുകളായിരിക്കും വരും മത്സരങ്ങള്ക്ക് ഉണ്ടായിരിക്കുക.
ഓണ്ലൈന് വഴിയുള്ള ടിക്കറ്റുകളുടെ വില്പന ഇന്ന് ആരംഭിക്കും. www.ticketgenie.in എന്ന വെബ് സൈറ്റിലോ, അപ്ലിക്കേഷനില് നിന്നോ ഓണ്ലൈനായി ടിക്കറ്റ് എടുക്കാവുന്നതാണ്. ഓഫ് ലൈന് ടിക്കറ്റുകളുടെ വില്പന ഷോപ്രിക്സ് സൂപ്പര് മാര്ക്കറ്റിന്റെ താഴെചൊവ്വ, പയ്യന്നൂര്, തളിപ്പറമ്പ്, പുതിയെരു എന്നീ ഔട്ട് ലെറ്റുകളില് നവംബര് 15 മുതല് ആരംഭിക്കും. സ്റ്റേഡിയത്തിലെ ബോക്സ് ഓഫീസ് ടിക്കറ്റ് വില്പന 15 തുടങ്ങും.