ചെങ്കല്ലിന് അമിത വില : കണ്ണൂരിൽ ലോറി ക്ളീനർമാർ സമരം തുടങ്ങി

ഇരിട്ടി : ചെങ്കല്ലിന് അന്യായമായ വില വർദ്ധിപ്പിച്ചതിൽ പ്രതിഷേധിച്ച് ഗുഡ്സ് ഡ്രൈവേഴ്സ് ആന്റ് ക്ലീനേഴ്സിന്റെ നേതൃത്വത്തിൽ സമരം ആരംഭിച്ചു. സമരത്തെ തുടർന്ന് ഇരിട്ടി, പേരാവൂർ മേഖലകളിൽ ചെങ്കൽ വിതരണം നിറുത്തി വെച്ചു. ചെങ്കല്ലിന് 3 രൂപയാണ് വർധിപ്പിച്ചത്. 

ഏഴ്,എട്ട് കല്ലുകൾക്ക് ഒരേ വിലയാണ് നിശ്ചയിച്ചത്. ചട്ടക്കല്ലിന് 4 രൂപയിൽ നിന്ന് 6 രൂപ വർധിപ്പിച്ച് 10 രൂപയാക്കി ഉയർത്തുകയും ചെയ്തു. ഇതിനെതിരെയാണ് ഇരിട്ടി, പേരാവൂർ മേഖലകളിൽ ഗുഡ്സ് ഡ്രൈവേഴ്സ് ആൻഡ് ക്ലീനേഴ്സിന്റെ നേതൃത്വത്തിൽ സമരം ആരംഭിച്ചത്.