.jpg)
തളിപ്പറമ്പ് നഗരഹൃദയത്തിലെ വസ്ത്ര വ്യാപാര സ്ഥാപനത്തിൽ നിന്നും പുക ഉയർന്നത് പരിഭ്രാന്തി പരത്തി
സംഭവമറിഞ്ഞ് നിരവധി ആളുകൾ സ്ഥലത്ത് ഓടിയെത്തിയിരുന്നു. അഗ്നി നിയന്ത്രണ സംവിധാനങ്ങൾ സ്ഥാപിക്കുന്നതിനും പഴക്കമുള്ള ഇലക്ടിക്കൽ വയറിങ് സംബന്ധമായ പരിശോധനയും ശക്തമായ നടപടിയുമായി മുന്നോട്ട് പോകാനാണ് അഗ്നിശമന സേനയുടെ തീരുമാനം.
തളിപ്പറമ്പ്: തളിപ്പറമ്പ് നഗരഹൃദയത്തിലെ വസ്ത്ര വ്യാപാര സ്ഥാപനത്തിൽ നിന്നും പുക ഉയർന്നത് പരിഭ്രാന്തി പരത്തി.നഗര ഹൃദയത്തിൽ ന്യൂസ് കോർണർ ജംങ്ഷനിലെ സഫ ടെക്സ് എന്ന സ്ഥാപനത്തിലാണ് രാവിലെ 10.15 ഓടെ പുക ഉയർന്നത്.
ഉടൻ തന്നെ സ്ഥാപന ഉടമ അഗ്നിശമന സേനയെ വിവരമറിച്ചു. തുടർന്ന് 2 യൂനിറ്റ് അഗ്നിശമന സേനയും തളിപ്പറമ്പ് പൊലിസും സ്ഥലത്തെത്തി. പരിശോധനയിൽ സ്ഥാപനത്തിലെ ഇൻവെർട്ടറിൽ നിന്നാണ് പുക ഉയർന്നതെന്ന് കണ്ടെത്തി.
tRootC1469263">ദിവസങ്ങൾക്ക് മുമ്പ് നഗരത്തിൽ ഉണ്ടായ വലിയ അഗ്നിബാധയിൽ നിരവധി വ്യാപാര സ്ഥാപനങ്ങൾ കത്തി നശിച്ചിരുന്നു. വൻ ദുരന്തമാണ് തളിപ്പറമ്പിൽ ഉണ്ടായത്.നഗരത്തെ നടുക്കിയ തീ പിടിത്തത്തിൻ്റെ പശ്ചാത്തലത്തിൽ അഗ്നിശമന സേന ഓരോ വ്യാപാര സ്ഥാപനങ്ങളിലും കയറി അഗ്നിശമന ഉപകരണങ്ങൾ സ്ഥാപിക്കാൻ നിർദ്ദേശം നൽകുകയും മറ്റ് സുരക്ഷാ പരിശോധനകൾ നടത്തേണ്ടതിനെ കുറിച്ച് ബോധവൽക്കരണം നടത്തി വരുന്നതിനിടയിലാണ് വീണ്ടും പരിഭ്രാന്തിക്കിടയാക്കിയ സംഭവം നടന്നത്.
പുക ഉയർന്ന പശ്ചാത്തലത്തിൽ സ്ഥാപനത്തിൻ്റെ ഇലക്ട്രിക്കൽ വയറിംങ് സംബന്ധമായ പരിശോധന നടത്തിയ ശേഷം മാത്രമേ സ്ഥാപനം തുറന്നു പ്രവർത്തിക്കുവാൻ പാടുള്ളൂവെന്ന് അഗ്നിശമന സേന നിർദ്ദേശിച്ചു. .
സംഭവമറിഞ്ഞ് നിരവധി ആളുകൾ സ്ഥലത്ത് ഓടിയെത്തിയിരുന്നു. അഗ്നി നിയന്ത്രണ സംവിധാനങ്ങൾ സ്ഥാപിക്കുന്നതിനും പഴക്കമുള്ള ഇലക്ടിക്കൽ വയറിങ് സംബന്ധമായ പരിശോധനയും ശക്തമായ നടപടിയുമായി മുന്നോട്ട് പോകാനാണ് അഗ്നിശമന സേനയുടെ തീരുമാനം.