കണ്ണൂർ പയ്യന്നൂരിൽ ഇരുതല മൂരിയുമായി അഞ്ചുപേർ പിടിയിൽ ; പിടികൂടിയത് തളിപ്പറമ്പ റെയ്ഞ്ച് ഫോറസ്റ്റ് ഓഫീസർ സനൂപ് കൃഷ്ണന്റെ നേതൃത്വത്തിൽ

കണ്ണൂർ : പയ്യന്നൂരിൽ ഇരുതല മൂരിയുമായി  അഞ്ചുപേർ പിടിയിൽ .തളിപ്പറമ്പ ഫോറസ്റ്റ് റെയ്ഞ്ച്  ഓഫീസർക്ക് ലഭിച്ച രഹസ്യ വിവരത്തെത്തുടർന്നാണ്  പയ്യന്നൂർ പുതിയ ബസ്റ്റാന്റിനു സമീപത്തു നിന്നും  വെള്ളിയാഴ്ച   ഇരുതലമൂരിയുമായി തളിപ്പറമ്പ റെയ്ഞ്ച് ഫോറസ്റ്റ് ഓഫീസർ സനൂപ് കൃഷ്ണന്റെ    നേതൃത്വത്തിൽ  അഞ്ചുപേരെ പിടികൂടിയത് . 

തൃക്കരിപ്പൂർ സ്വദേശികളായ ഭികേഷ് .കെ, മനോജ് . എം., പ്രദീപൻ . ടി.പി, എന്നിവരും ആന്ധ്രാപ്രദേശ് സ്വദേശികളായ നവീൻ. ടി, ചന്ദ്രശേഖർ . കെ എന്നിവരുമാണ് പ്രതികൾ . പ്രതികൾ സഞ്ചരിച്ച ഒരു കാർ കസ്റ്റഡിയിലെടുത്തു.  പ്രതികളെ ശനിയാഴ്ച പയ്യന്നൂർ കോടതിയിൽ ഹാജരാക്കും.