പുതിയതെരുവിൽ പട്ടാപ്പകൽ വാഹനത്തിൽ നിന്നും പണം കവർന്നയാൾ അറസ്റ്റിൽ

കണ്ണൂർ:പുതിയതെരുവിൽ പട്ടാപകൽ വാഹനത്തിൽ സൂക്ഷിച്ചപണം കവർന്ന കുപ്രസിദ്ധ മോഷ്ടാവ് വളപട്ടണം പൊലിസിൻ്റെ പിടിയിൽ.ശിവപുരം സ്വദേശി വി.സി. ഹാരീസാണ് അറസ്റ്റിലായത്.

വളപട്ടണം എസ്.എച്ച്.ഒ - ടി.എം. വിപിൻ് നേതൃത്വത്തിൽ തലശേരി പപ്പൻ പീടികക്ക് സമീപം ഒളിവിൽ കഴിയവേയാണ് പ്രതിയെ പിടികൂടിയത്
വ്യാപാര സ്ഥാപനങ്ങളിൽ സാധനങ്ങൾ വിതരണം ചെയ്യുന്ന വാഹനത്തിൽ ഉണ്ടായിരുന്ന ബാഗിൽ സൂക്ഷിച്ച 1,20,000 രൂപ കവർന്ന കേസിലാണ് ഹാരിസിൻ്റെ അറസ്റ്റ്.