.jpg)
ഇരിട്ടിയില് മത്സ്യവുമായി പോയ പിക്കപ്പ് ലോറി ഇടിച്ച് കാല്നട യാത്രക്കാരന് ദാരുണാന്ത്യം
കർണാടകയിലേക്ക് മത്സ്യവുമായി പോവുകയായിരുന്ന പിക്കപ്പ് ലോറി നിയന്ത്രണം വിട്ട് റോഡരികിലേക്ക് പാഞ്ഞുകയറുകയായിരുന്നു.
കണ്ണൂർ : ഇരിട്ടിയില് മത്സ്യവുമായി പോയ പിക്കപ്പ് ലോറി ഇടിച്ച് കാല്നട യാത്രക്കാരന് ദാരുണാന്ത്യം.ഇന്ന് രാവിലെ 8 മണിയോടെയാണ് സംഭവം. മാടത്തിയിലെ സെന്റ് സെബാസ്റ്റ്യൻ പള്ളിക്ക് സമീപത്തു വെച്ചാണ് അപകടം ഉണ്ടായത്. മരിച്ചത് മാടത്തി അത്തിക്കല് ഹൗസിലെ ബാലൻ (64) ആണ്. മാടത്തി ടൗണിലൂടെ നടന്നു വരികയായിരുന്നു ബാലൻ.
കർണാടകയിലേക്ക് മത്സ്യവുമായി പോവുകയായിരുന്ന പിക്കപ്പ് ലോറി നിയന്ത്രണം വിട്ട് റോഡരികിലേക്ക് പാഞ്ഞുകയറുകയായിരുന്നു. വേഗത്തില് വന്ന ലോറി ബാലനെ ഇടിച്ച ശേഷം റോഡില് മറിഞ്ഞു. ഇടിയുടെ ആഘാതത്തില് ബാലൻ തെറിച്ച് വീഴുകയും സംഭവസ്ഥലത്ത് തന്നെ മരിക്കുകയും ചെയ്തു.
ലോറിയില് ഉണ്ടായിരുന്നവർക്ക് പരിക്കുകളൊന്നും ഇല്ലെന്നാണ് പ്രാഥമിക വിവരം. വിവരം അറിഞ്ഞ് ഉടൻ തന്നെ നാട്ടുകാരും പൊലീസും സ്ഥലത്തെത്തി. മൃതദേഹം പോസ്റ്റ്മോർട്ടത്തിനായി ഇരിട്ടി ജനറല് ആശുപത്രിയിലേക്ക് മാറ്റി.
അപകടത്തില് പെട്ട ലോറിയും റോഡില് നിന്ന് മാറ്റി.കർണാടകയിലേക്ക് മത്സ്യം കയറ്റി പോവുകയായിരുന്ന ലോറിയുടെ ഡ്രൈവർക്ക് നിയന്ത്രണം നഷ്ടമായതാണ് അപകടത്തിന് കാരണമെന്നാണ് പ്രാഥമിക നിഗമനം.സംഭവത്തില് ഇരിട്ടി പൊലീസ് കേസെടുത്ത് അന്വേഷണം ആരംഭിച്ചു