പയ്യന്നൂർ പിലാത്തറയിലെ സ്വർണം പൊട്ടിക്കൽ ; മാലൂർ സ്വദേശിയായ യുവാവ് അറസ്റ്റിൽ

 പയ്യന്നൂർ: പിലാത്തറയിലെ സ്വർണം പൊട്ടിക്കൽ കേസിലെ അക്രമി സംഘത്തിലെ ഒരാൾ കൂടി അറസ്റ്റിൽ. മാലൂർ കുണ്ടേരിപൊയിലിലെ അശ്വന്തിനെയാണ്(26) കേസന്വേഷിക്കുന്ന പ്രത്യേക അന്വേഷണസംഘം അറസ്റ്റ് ചെയ്തത്. ഈ കേസിൽ അഞ്ചാം പീടിക സ്വദേശി സനു സന്തോഷ് (42) നേരത്തെ പിടിയിലായിരുന്നു. 

പ്രതികൾ സഞ്ചരിച്ച രണ്ട് വാഹനങ്ങൾ പൊലീസ് കസ്റ്റഡിയിൽ എടുത്തിരുന്നു. ജൂൺ രണ്ടിനായിരുന്നു മഹാരാഷ്ട്ര സ്വദേശികൾ സഞ്ചരിച്ച കാർ ആക്രമിച്ച് രഹസ്യ അറയിൽ സൂക്ഷിച്ച സ്വർണവും 55 ലക്ഷം രൂപയും കവർന്നത്. ഈ കേസിൽ ഇനിയും പ്രതികളെ പിടികൂടാനുണ്ട്.