മെഗാ യോഗ പ്രദർശനവും ഫ്യൂഷൻ ഡാൻസും 21 ന് മന്ത്രി കെ എൻ ബാലഗോപാൽ ഉദ്ഘാടനം ചെയ്യും

കണ്ണൂർ: യോഗ അസോസിയേഷൻ ജില്ലാ കമ്മിറ്റിയുടെ (ചേതന യോഗ ) നേതൃത്വത്തിൽ അന്താരാഷ്ട്രാ യോഗദിനം  ജൂൺ 21 ന് വിപുലമായ പരിപാടികളോടെ ആചരിക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു. കണ്ണൂർ പോലീസ് മൈതാനത്തെ ടർഫിൽ വൈകുന്നേരം 4 മണിക്ക് പരിപാടി ധനകാര്യവകുപ്പ് മന്ത്രി കെ എൻ ബാലഗോപാൽ ഉദ്ഘാടനം ചെയ്യും. ചടങ്ങിൽ കെ വി സുമേഷ് എം എൽ എ അദ്ധ്യക്ഷത വഹിക്കും.ജില്ലയിലെ കോളേജുകൾ, സ്‌കൂളുകൾ, സ്ഥാപനങ്ങൾ, വായനശാലകൾ എന്നിവിടങ്ങൾ കേന്ദ്രീകരിച്ച് വിവിധങ്ങളായ പരിപാടികളും സംഘടിപ്പിക്കും. ആരോഗ്യ ബോധവൽക്കരണം, പ്രകൃതി സംരക്ഷണം, ലഹരി വിരുദ്ധത, സമാധാനം, ജനകീയ യോഗയുടെ പ്രസക്തി തുടങ്ങിയ ആശയങ്ങൾ കൂടി പ്രചരിപ്പിക്കും.