ബി. എൽ. ഒ അനീഷ് ജോർജിൻ്റെ ആത്മഹത്യയ്ക്ക് പിന്നിൽ സി.പി.എം പ്രാദേശിക നേതൃത്വത്തിൻ്റെ ഭീഷണിയെന്ന് മാർട്ടിൻ ജോർജ്

Whatsapp Group

എസ്.ഐ. ആർ ഫോറം വിതരണത്തിന് കോൺഗ്രസ് ബി എൽ എ യെ ഭവനസന്ദർശനവേളയിൽ ഒപ്പം കൂട്ടുന്നതിന് എതിരെയാണ് സിപിഎം നേതാവിൻ്റെ ഭീഷണിയെന്ന് അഡ്വ. മാർട്ടിൻ ജോർജ് വാർത്താ സമ്മേളനത്തിൽ പറഞ്ഞു. ജോലി ഭാരമല്ല അനീഷ് ജോർജിൻ്റെ ആത്മഹത്യയ്ക്ക് പിന്നിൽ ' അദ്ദേഹത്തെ സിപിഎം പ്രാദേശികനേതൃത്വം ഭീഷണിപ്പെടുത്തിയത് കാരണമാണ് ആത്മഹത്യ ചെയതത്് സി.പി.എം ബി എൽ എ റഫീഖാണ് ബി. എൽ. ഒഅനീഷിനെ ഭീഷണിപ്പെടുത്തിയത്. കോൺഗ്രസ് ബിഎൽ.എ വൈശാഖിനെ എസ്.ഐ. ആർ വിതരണത്തിന് കൂടെ കൊണ്ടുപോയാൽ തടയുമെന്നാണ് ഭീഷണി. 

ഇതു കാരണം എസ്.ഐ. ആർ ഫോറം വിതരണത്തിന് കോൺഗ്രസ് ബി എൽ എ യായവൈശാഖ് വരേണ്ടെന്ന് അനീഷ് ജോർജ് ഫോണിൽ വിളിച്ചു പറഞ്ഞു. വന്നാൽ സി.പി.എം പ്രവർത്തകർ തടയുമെന്നും അനീഷ്.ബി. എൽ. എ യെ പ്രവർത്തിക്കാൻ അനുവദിച്ചില്ലെങ്കിൽ പരാതി നൽകുമെന്ന് വൈശാഖ് മറുപടി പറഞ്ഞു. സി.പി.എം ബി. എൽ. എ റഫീഖിനെതിരെ ആത്മഹത്യാ പ്രേരണാ കുറ്റത്തിന് കേസെടുക്കണമെന്ന് മാർട്ടിൻ ആവശ്യപ്പെട്ടു.