കൂത്തുപറമ്പ് കൈതേരിയിൽ സ്വകാര്യ ബസും ബൈക്കും കൂട്ടിയിടിച്ച് കെ.എസ്.ഇ.ബി ജീവനക്കാരൻ മരിച്ചു

 കൂത്തുപറമ്പ്: കൂത്തുപറമ്പ് - ചിറ്റാരിപറമ്പ് റോഡിലെ കൈതേരി പതിനൊന്നാം മൈലിൽ  വാഹനാപകടത്തിൽ ബൈക്ക് യാത്രക്കാരനായ കെ.എസ്.ഇ.ബി ജീവനക്കാരൻ മരിച്ചു. കെ.എസ്.ഇ.ബി കുത്തുപറമ്പ് സെക്ഷനിലെ ഓവർസിയർ പാച്ചപ്പൊയ്ക സ്വദേശിയായ പി. മധു (53) വാണ് ണ് മരിച്ചത്.

​വെള്ളിയാഴ്ച്ച ഉച്ചയോടെയാണ് അപകടം നടന്നത്. മധു സഞ്ചരിച്ച ബൈക്കും സ്വകാര്യ ബസ്സും തമ്മിൽ കൂട്ടിയിടിക്കുകയായിരുന്നു.അപകടം നടന്ന ഉടനെ ഇദ്ദേഹത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഇടിയുടെ ആഘാതത്തിൽ ബൈക്ക് പൂർണമായും തകർന്നു. ബസിൻ്റെ മുൻവശവും തകർന്നിട്ടുണ്ട്. തൃക്കടാരിപ്പൊയിൽ - കണ്ണവം ഭാഗത്തും നിന്നും കുത്തുപറമ്പ് ഭാഗത്തേക്ക് വരുന്ന സ്വകാര്യ ബസാണ് അപകടത്തിൽപ്പെട്ടത്. പൊലിസ് സ്ഥലത്തെത്തി ഇരു വാഹനങ്ങളും മാറ്റി.