കേരള ദിനേശ് അപ്പാരൽസ് മൺസൂൺ മെഗാ മേളയ്ക്ക് കണ്ണൂരിൽ തുടക്കമായി

കണ്ണൂർ : കേരള ദിനേശ് അപ്പാരൽസ് മൺസൂൺ മെഗാ മേളയ്ക്ക് കണ്ണൂർ താണയിൽ തുടക്കമായി. താണയിലെ ദിനേശ് ഓഡിറ്റോറിയത്തിൽ കണ്ണൂർ ജില്ലാ പഞ്ചായത്ത് പൊതുമരാമത്ത് സ്റ്റാൻ്റിങ്ങ് കമ്മിറ്റി ചെയർപേർസൺ അഡ്വ. ടി സരള മെഗാ മേള ഉദ്ഘാടനം ചെയ്‌തു. 

കേരള ദിനേശ് ചെയർമാൻ എം.കെ ദിനേശ്ബാബു അദ്ധ്യക്ഷത വഹിച്ച ചടങ്ങിൽ കേന്ദ്ര സംഘം സെക്രട്ടറി എം എം കിഷോർകുമാർ, കേന്ദ്ര സംഘം ഡയരക്ടർമാരായ എം ഗംഗാധരൻ, വി സതി, മണ്ടുക്ക് മോഹനൻ, മാർക്കറ്റിങ്ങ് എക്സസിക്യൂട്ടീവ് പ്രിജേഷ് എം എന്നിവർ സംസാരിച്ചു.