പരപ്പഫെസ്റ്റ് ഉദ്ഘാടന വേദിയിൽ കെ.സി.സി.പി.എൽ എം.ഡി ആനക്കൈ ബാലകൃഷ്ണനെ അനുമോദിച്ചു

പരപ്പ : കെ.സി.സി.പി.എൽ മാനേജിംഗ് ഡയറക്ടർ ആനക്കൈ ബാലകൃഷ്ണനെ പരപ്പ സാംസ്കാരിക കൂട്ടായ്മയുടെ നേതൃത്വത്തിൽ വെച്ചു നടക്കുന്ന പരപ്പഫെസ്റ്റ് ഉദ്ഘാടന വേദിയിൽ വെച്ച് അനുമോദിച്ചു.

ഇ .ചന്ദ്രശേഖരൻ എം.എൽ.എ ഉപഹാരം നൽകി .പൊതുമേഖലാ സ്ഥാപനത്തിൻ്റെ പ്രവർത്തന മികവിൽ ലഭിച്ച വിവിധ അവാർഡുകളുടെ അടിസ്ഥാനത്തിലാണ് ആനക്കൈ ബാലകൃഷ്ണനെ അനുമോദിച്ചത്. ചടങ്ങിൽ ബ്ലോക്ക് പഞ്ചായത്ത് പ്രസിഡണ്ട് എം. ലക്ഷ്മി അധ്യക്ഷത വഹിച്ചു.

സിനിമാ സീരിയൽ നടി അനുമോൾ മുഖ്യാതിഥി ആയി. കിനാനൂർ കരിന്തളം ഗ്രാമപഞ്ചായത്ത് പ്രസിഡണ്ട് ടി കെ രവി ഉൾപ്പെടെയുള്ള ജനപ്രതിനിധികളും സാമൂഹ്യ -സാംസ്കാരിക പ്രവർത്തകരും പങ്കെടുത്തു. സംഘാടക സമിതി ജനറൽ കൺവീനർ എ.ആർ രാജു സ്വാഗതവും വി.ബാലകൃഷ്ണൻ നന്ദിയും പറഞ്ഞു.