കണ്ണൂർ പാനൂരിൽ വീണ്ടും ബോംബ് കണ്ടെത്തി

തലശേരി : പാനൂരിൽ രണ്ട് സ്റ്റീൽ ബോംബുകൾ കണ്ടെത്തി.പാനൂർ പൊലീസ് സ്റ്റേഷൻ പരിധിയിലെ മുളിയാത്തോടാണ് ഇവ കണ്ടെത്തിയത്. സ്ഥലമുടമയായ യു.പി അനീഷ് തൊഴിലാളികളുമായി പറമ്പ് വൃത്തിയാക്കാനെത്തിയപ്പോഴാണ് ഇവ കണ്ടത്.

ഉടൻ പാനൂർ പൊലീസ് സ്റ്റേഷനിൽ വിവരമറിയിക്കുകയായിരുന്നു. സ്ഥലത്ത് പൊലീസ് പരിശോധന നടത്തുകയാണ്. ഡോഗ് - ബോംബ് സ്‌ക്വാഡുകളും സ്ഥലത്തെത്തി. 2024 ഏപ്രിലിൽ സി.പി.എം പ്രവർത്തകൻ ബോംബ് സ്ഫോടനത്തിൽ കൊല്ലപ്പെട്ട സ്ഥലമാണിത്. മൂന്ന് പേർക്ക് സ്ഫോടനത്തിൽ പരുക്കേറ്റിരുന്നു.