കണ്ണൂർ പാനൂരിൽ പത്താം ക്ളാസ് വിദ്യാർത്ഥിനിയെ വീട്ടിലെ കിടപ്പുമുറിയിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി


തലശേരി : പത്താം ക്ലാസ് വിദ്യാർഥിനിയായ പതിനഞ്ചുകാരിയെ കിടപ്പുമുറിയിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. തെക്കേ
പാനൂരിലെ താഴെക്കണ്ടി റെജീന-മജീദ് ദമ്പതിമാരുടെ മകൾ റെന ഫാത്തിമയാണ് മരിച്ചത്. വ്യാഴാഴ്ച്ച പുലർച്ചെ ഒരുമണിയോടെയാണ് കുട്ടിയെ
കിടപ്പു മുറിയിൽ ബോധരഹിതയായ നിലയിൽ കണ്ടെത്തിയത്. ബഹളം കേട്ട് ഓടിയെത്തിയ നാട്ടുകാർ കുട്ടിയെ ആശുപത്രിയിൽ എത്തിച്ചെങ്കിലും
മരണം സ്ഥിരീകരിക്കുകയായിരുന്നു.
വിവരമറിഞ്ഞ് പാനൂർ പോലീസ് സ്ഥലത്തെത്തി അന്വേഷണം ആരംഭിച്ചു. മൃതദേഹം തലശേരി ജനറൽ ആശുപത്രി മോർച്ചറിയിലേക്ക് മാറ്റി.
പോസ്റ്റ് മോർട്ടത്തിനു ശേഷം പാനൂർ ജുമ മസ്ജിദിൽ കബറടക്കും. മൊകേരി രാജീവ്ഗാന്ധി മെമ്മോറിയൽ ഹയർ സെക്കൻ്ററി സ്കൂൾ പത്താം തരം വിദ്യാർത്ഥിനിയാണ്. പാനൂർ പൊലിസ് അസ്വാഭാവിക മരണത്തിന് കേസെടുത്ത് അന്വേഷണമാരംഭിച്ചിട്ടുണ്ട്.
