വികസനത്തിന് മുൻതൂക്കം നൽകി കണ്ണൂർ കോർപറേഷൻ ബഡ്ജറ്റ് : ആശാ വർക്കർമാർക്ക് 2000 രൂപ ആശ്വാസ ധനസഹായം

കണ്ണൂർ : സെക്രട്ടറിയേറ്റിന് മുൻപിൽ സമരം ചെയ്യുന്ന ആശാ വർക്കർമാർക്ക് പിൻതുണയുമായി കണ്ണൂർ കോർപറേഷൻ. കോർപറേഷൻ പരിധിയിലെ ആശാ വർക്കർമാർക്ക് പ്രതി മാസത്തിലൊരിക്കൽ 2000 രൂപ ഇൻസെൻ്റീവായി നൽകുമെന്ന് കണ്ണൂർ കോർപറേഷൻ ബഡ്ജറ്റ് അവതരണത്തിനിടെ ഡെപ്യൂട്ടി മേയർ അഡ്വ. പി. ഇന്ദിര അറിയിച്ചു.

യു.ഡി.എഫ് ഭരിക്കുന്ന തദ്ദേശ സ്വയംഭരണ സ്ഥാപനങ്ങൾ തനത് ഫണ്ടിൽ നിന്നും ഇൻസെൻ്റീവ് അനുവദിക്കാൻ തീരുമാനിച്ചതിൻ്റെ ഭാഗമായാണ് കണ്ണൂർ കോർപറേഷനും ഇൻസെൻ്റീവ് അനുവദിച്ചത്. കണ്ണൂരിൻ്റെ സമഗ്ര വികസനത്തിന് ഊന്നൽ കൊടുക്കുന്ന ബഡ്ജറ്റാണ് ഡെപ്യൂട്ടി മേയർ അവതരിപ്പിച്ചത്. 475,76, 15, 412 രൂപ വരവും45, 66,35,018 രൂപ ചെലവും 83,97, 31, 711 രൂപ നീക്കിയിരിപ്പുമുള്ള മിച്ച ബഡ്ജറ്റാണ് ഡെപ്യൂട്ടി മേയർ 2025-26 വർഷത്തിലേക്ക് അവതരിപ്പിച്ചത്.

നഗരത്തിൽ മൾട്ടിപർപ്പസ് കൺവെൻഷൻ സെൻ്റർ നിർമ്മിക്കുന്നതിനായി 40 കോടി മരക്കാർ കണ്ടിയിൽ വ്യാപാര സമുച്ചയത്തിനായി ഒരു കോടി, ഭിന്നശേഷിക്കാർക്ക് ഡിഫറൻ്റ് ലിഏബിൾഡ് ആർട്ട് കൾച്ചറൽ സെൻ്റർ നിർമ്മിക്കുന്നതിനായി പത്തുലക്ഷം രൂപ, പള്ളിയാംമൂലസ്പോർട്സ് കോംപ്ളക്സ് നിർമ്മിക്കാനായി 20 ലക്ഷം, മാലിന്യ മുക്തനവകേരളം പദ്ധതിയുടെ ഭാഗമായി മാലിന്യ നിർമ്മാർജ്ജനത്തിനായി നാല് കോടി , പട്ടിക വർഗ വികസനത്തിന് 40 ലക്ഷം ബാല സൗഹൃദ അങ്കണവാടിക്കായി ഒരു കോടി, ആനിമൽ ക്രിമിറ്റേറിയാ നിർമ്മിക്കുന്നതിനായി 65ലക്ഷം, നെൽകൃഷി പുത്തരി കണ്ടത്തിൽ നൂറുമേനി പദ്ധതിക്ക് 50 ലക്ഷം ഹാപ്പി ഹോം സായംപ്രഭ ഹോം നിർമ്മാണത്തിനായി 2.50 കോടി രൂപ എന്നിവയാണ് പ്രധാന പദ്ധതികൾ നടപ്പിലാക്കുന്നതിനായി ഫണ്ട് വകയിരുത്തിയത്.

നഗര സൗന്ദര്യവൽക്കരണത്തിന് ഒരു കോടി രൂപയും നെറ്റ് മാർക്കറ്റിന് ഒരു കോടി രൂപയും മിനി ഇൻഡസ്ട്രീയൽ എസ്റ്റേറ്റ് വിപുലീകരണത്തിന് 10 ലക്ഷം രൂപയും താഴെ ചൊവ്വ ബൈപ്പാസിന് 50 ലക്ഷം രൂപയും ഭിന്നശേഷിക്കാരുടെ ക്ഷേമ പ്രവർത്തനങ്ങൾക്ക് വേണ്ടി 2.50 കോടി രൂപയും വകയിരുത്തി. വനിതകളെ ഹെവി ഡ്രൈവിങ് പഠിപ്പിക്കുന്നതിനായി ആറ് ലക്ഷം രൂപയും കണക്റ്റിങ് യൂത്ത് എംപ്ളോയ് ബിലിറ്റി സെൻ്ററിന് വേണ്ടി അഞ്ചുലക്ഷം രൂപയും സമാജ് വാദി നഗർ വിപുലീകരണത്തിന് വേണ്ടി അഞ്ചുകോടി രൂപയും മുഴുവൻ സ്കൂളുകളിലും ഗാന്ധി പ്രതിമ സ്ഥാപിക്കുന്നതിനു വേണ്ടി 16 ലക്ഷം രൂപയും ചെരുപ്പ് തുന്നൽ തൊഴിലാളികൾക്ക് കൂടുതൽ ഷെൽട്ടർ സ്ഥാപിക്കുന്നതിന് വേണ്ടി ഏഴര ലക്ഷം രൂപയും നീക്കിവെച്ചിട്ടുണ്ട്.

വ്യത്യസ്ത മേഖലകളിൽ കഴിവ് തെളിയിച്ചയാളുകളെ ആദരിക്കുന്നതി  ന് വേണ്ടി മൂന്ന് പേർക്ക്നഗരശ്രീ അവാർഡ് നൽകും ഓരോ വർഷവും നൽകുന്ന ഈ അവാർഡിനായി ഒരു ലക്ഷം രൂപ നീക്കിവെച്ചു. ഭരണഘടന ശിൽപിയായ ഡോ. ബി.ആർ അംബേദ്ക്കറിൻ്റെ പൂർണകായ പ്രതിമ നിർമ്മിക്കുന്നതിനായി 20 ലക്ഷം രൂപയും നീക്കിവെച്ചിട്ടുണ്ട്. കണ്ണൂർ സ്റ്റേഡിയം കോർണറിലേഓപ്പൺ സ്റ്റേജ് നവീകരിക്കുന്നതിന് വേണ്ടി 20 ലക്ഷം രൂപയും കാവുകൾ നവീകരിക്കുന്നതിതായി 20 ലക്ഷവും വകയിരുത്തി.

വനവൽക്കരണത്തിനായി ഹരിത വളൻ ഡിയേഴ്സെന്ന പേരിൽ സേന ഉണ്ടാക്കുന്നതിന് വേണ്ടി അഞ്ച് ലക്ഷം രൂപയും കണ്ണൂർ ദസറ സംഘടിപ്പിക്കാൻ വേണ്ടി 10 ലക്ഷം രൂപയും വൃക്ക രോഗികൾക്ക് ഡയാലിസ സ് ചെയ്യുന്നതിനായി 50 ലക്ഷം രൂപയും നീക്കിവെച്ചു.

ആത്മസാക്ഷാത്കാരം എൻ്റെ ആഗ്രഹമാണ് അതിനുള്ള ഉപാധി സേവനമാണെന്ന ഗാന്ധിയൻ വചനത്തോടുകൂടിയാണ് അഡ്വ. പി. ഇന്ദിര ബഡ്ജറ്റ് അവതരണം തുടങ്ങിയത്. പ്രമുഖ ആംഗലേയ കവി റോബർട്ട് ഫ്രോസ്റ്റിൽ മൈൽ സ്ടൂ ഗോ ഐസ്ളീപ്പെന്ന പ്രശസ്തമായ വരികളും നെഹ്രുവിനെ അനുസ്മരിച്ചു ഉദ്ധരിച്ചു. കെ. സ്മാർട്ട് സോഫ്റ്റ് വെയറിലാണ് ഇക്കുറി ബഡ്ജറ്റ് അവതരണം നടന്നത്.