കണ്ണൂരിൽ എസ്.എഫ്.ഐ പ്രവർത്തകർ പിഴുതെടുത്ത് ചുമലിലേറ്റിയത് കൊടിമരം കോൺഗ്രസ് സ്ഥാപിച്ചതല്ല

കണ്ണൂർ : കണ്ണൂരിൽ എസ്.എഫ്.ഐ പ്രതിഷേധപ്രകടനത്തിനിടെ പ്രവർത്തകർ പിഴുത് മാറ്റിയത് കോൺഗ്രസ് കൊടിമരല്ലെന്ന് തെളിഞ്ഞു. കോൺഗ്രസ് വിമത നേതാവും കോർപറേഷൻ സ്റ്റാൻഡിങ് കമ്മിറ്റി ചെയർമാനുമായ പി.കെ.രാഗേഷിൻ്റെ നേതൃത്വത്തിലുള്ള രാജീവ് ജികൾച്ചറൽ ഫോറം സ്ഥാപിച്ച കൊടിമരമാണ് പ്രതിഷേധ പ്രകടനത്തിനിടെ പ്രവർത്തകർ പിഴുതു മാറ്റിയത്. കോൺഗ്രസ് കൊടിമരമെന്ന് തെറ്റിദ്ധരിച്ചായിരുന്നു എസ്.എഫ്.ഐ പ്രവർത്തകർ കൊടിമരം പിഴുത് ചുമലിലേറ്റി കണ്ണൂർ നഗരത്തിൽ പ്രതിഷേധപ്രകടനം നടത്തിയത്.