കണ്ണൂർ സെൻട്രൽ ജയിലിൽ വീണ്ടും തടവുകാർ തമ്മിൽ ഏറ്റുമുട്ടി : ഒരാൾക്ക് പരുക്കേറ്റു

കണ്ണൂർ:പള്ളിക്കുന്നിലെ കണ്ണൂർജയിലിൽ വീണ്ടും തടവുകാർ തമ്മിൽ ഏറ്റുമുട്ടി. കണ്ണൂർ സെൻട്രൽ ജയിലിലെ ശിക്ഷ തടവുകാരാണ് ഏറ്റമുട്ടിയത്. അഞ്ചാം ബ്ലോക്കിലെ തടവുകാരൻ രാമൻകുട്ടിക്കാണ് മർദ്ദനത്തിൽ പരിക്കേറ്റത്. കണ്ണൂർ ജില്ല ആശുപത്രിയിൽ ചികിത്സ തേടി.ഞായറാഴ്ച്ച രാവിലെ 6.45 മണിയോടെ ഭക്ഷണ സമയത്തുണ്ടായ വാക്കേറ്റത്തിനിടെ അഞ്ചാം ബ്ലോക്കിലെ തടവുകാരൻ കിരൺ രാജ് ഷെട്ടിയാണ് മർദ്ദിച്ചത്. 

സംഭവത്തിൽ ജയിൽ അധികൃതർ കണ്ണൂർ ടൗൺ പൊലീസ് സ്റ്റേഷനിൽ പരാതി നൽകി. പൊലിസ് കിരൺ ഷെട്ടിക്കെതിരെ കേസെടുത്തിട്ടുണ്ട് കഴിഞ്ഞ ശനിയാഴ്ച്ച ജയിലിലെ കാപ്പറിമാൻഡ് തടവുകാർ തമ്മിൽ ഏറ്റുമുട്ടിയിരുന്നു. ഇതിന് ശേഷമാണ് മറ്റൊരു സംഭവം കൂടി നടക്കുന്നത്.